Euskal Autonomia Erkidegoko Natura Kontserbatzeko Legearen bidez sortua.

Natura kontserbatzeko alorrean aholku emateko kide anitzeko lankidetza-organoa da. Euskal Autonomia Erkidegoko Administrazio Orokorrean natura-baliabideen antolamenduan eta naturaren kontserbazioan eskumena duen sailari atxikirik dago.

Zereginak

• Natura-gune babestuen kudeaketaren emaitza eta estrategiari buruz, urtero txostena egitea.
• Naturzaintzari dagozkion alorretako txosten eta irizpenak egitea eta proposamenak aurkeztea, bai bere ekimenez, bai Legebiltzarrak, Eusko Jaurlaritzak edo foru-aldundiek hala eskatuta.
• Natura-gune babestu berriak izendatzeko proiektuei buruzko txostenak egitea.
• Eusko Jaurlaritzaren ustez ingurune naturala babestearen alorrean garrantzi nabarmena duten lege-aurreproiektuei buruzko txostenak egitea.
• Autonomia-erkidegoko natura-gune babestuak hobeto babestea eta kudeatzea ekarriko duten ekintzak proposatzea.
• Lurraldearen kudeaketan ardura duten administrazioen arteko koordinazioa sustatu eta laguntzea, baliabideek babes handiagoa izan dezaten.
• Natura kontserbatzeko, ikerketa zientifikorako eta naturaren zabalkunde eta hedapenerako heziketa sustatzea.