Eibar Ospitale Berria
Eibar Ospitale berria Debabarreneko osasun arreta hobetzera dator. Izan ere, irekitzen denean, herritarrei dagoeneko ematen zaizkien zerbitzuak baino gehiago emango dizkie eta eskualdeko 75.000 biztanleei irisgarritasuna eta eskaintza sanitarioa hobetuko dizkie. Debabarrena ESIaren egituran beste zentro bat bezala txertatzen den ospitale berri honek, 21.000 metro koadrorekin, instalakuntza modernoak ditu honako zerbitzu hauek eskaintzeko: Lehen Mailako Arreta (familia-medikuntza eta pediatria), Osasun Mentala, erresonantzia magnetikoko talde bat (Osatek) izango duen Erradiodiagnostikoko zerbitzua eta Errehabilitazioko zerbitzua. Era berean, kanpo-kontsultetan 8 espezialitate eskainiko dira 14 kontsultetan. Azkenik, 20-24 oheko hiru ospitalizazio-unitate izango ditu bi solairutan banatuta. Erreferentziako ospitalea Mendarokoak izaten jarraituko duen arren, Eibar Ospitalea hurbilago dagoen osasun azpiegitura berria izango da, osasun-zerbitzu berriekin. Azken finean, herritar guztientzako arreta hobea.
Informazio gehigarria:
Zerbitzuak solairuka
- Ospitalizazio-unitateak
- Ospitalizazio-unitateak
- Ospitaleko Errehabilitazioa
- Kanpo-kontsultak
- Ospitalez kanpoko osasun mentaleko zentroa
- Onarpena eta informazioa
- EAG
- Lehen Mailako Arretako Unitatea
- Kafetegia
- Zuzendaritza /Administrazioa
- Ekitaldi aretoa
- Osasun Publikoa
- Erradiodiagnostiko-gunea
- Errehabilitazio-zerbitzua
- Sukaldea
- Zerbitzu orokorrak
Lehen mailako arretako unitatea
Orain arte Torrekuako osasun-zentroan eskaini den jarduera guztia gauzatuko da Eibar Ospitalean, lehen mailako arreta hobetuz. 0. solairuak egongo dira medikuen eta erizainen kontsultak:
- 7 kontsulta familia-medikuentzat
- 7 kontsulta erizainentzat
- Pediatria kontsulta bat
- Haur-erizaintzako kontsulta bat
Ospitalez kanpoko osasun mentaleko zentroa
Zentro berriak honako hauek izango ditu: 12 kontsulta, administrazio-gunea, itxaron-gela bereiztuak (helduentzakoak eta haur eta gazteentzakoak), botikina, bilera-gela eta taldeentzako bi gela; horiek guztiak, 850 metro koadrotan banatuak. Guztira 12 profesional egongo dira taldean:
- 4 psikiatra
- 3 psikologo kliniko
- 2 erizain espezialista
- 2 administrari laguntzaile
- 1 gizarte-langile
Etengabeko arreta gunea (AEG)
EAGetan larrialdietako arreta ematen da osasun zentroko ordutegiaz kanpo edo jaiegunetan. Eibar Ospitaleko EAGak ordutegi hau izango du:
- 17:00etatik 08:00etara lanegunetan eta 24 orduz larunbat, igande eta jaiegunetan.
Zortzi espezialitateren kanpo-kontsultak
Zortzi espezialitate hauetako arreta emango da hamalau kontsultetan:
- Kardiologia
- Arnas aparatua
- Barne-medikuntza
- Neurologia
- Erreumatologia
- Errehabilitazioa
- Traumatologia
- Endokrinologia
Erreabilitazio-zerbitzua
Ospitaleak Errehabilitazio Zerbitzu bat izango du, eta anbulatorioko pazienteei eta ospitaleratutakoei emango die arreta.
Bi gimnasio, bi kontsulta eta giharrak indartzeko gela bat izango ditu.
ESIaren gaur egungo eskaintzari honako hauek gehituko zaizkio:
- Bihotz errahabilitazioa
- Infiltrazio ekogidatuak egiteko ekografoa
- Ahots- eta irenste-arazoen balorazioa eta errehabilitazioa
- Hizkuntz arazoen balorazioa eta errehabilitazioa
- Terapia okupazionala
- Lokomozio-aparatuko patologiaren talde-tratamenduak
Ospitalizazioa (unitate 1)
Ospitaleak 20-24 oheko hiru ospitalizazio-unitate izango ditu bi solairutan banatuta. Bertan Barne-medikuntza Zerbitzuak beste espezialitateekin koordinatuta emango du arreta.
- Eskaintza susperraldiari, errehabilitazioari eta zainketa aringarriei begirakoa izango da.
Ospitalizazioa (2 unitate)
Ospitaleak 20-24 oheko hiru ospitalizazio-unitate izango ditu bi solairutan banatuta. Bertan Barne-medikuntza Zerbitzuak beste espezialitateekin koordinatuta emango du arreta.
- Eskaintza susperraldiari, errehabilitazioari eta zainketa aringarriei begirakoa izango da.
Zerbitzu zorroak (kudeaketa)
- Kalitatea
- Kudeaketa Sanitarioko Unitatea
- Informatika
- Pertsonen kudeaketa
- Kudeaketa ekonomikoa
Zerbitzu orokorrak (klinikoak)
- Erradiodiagnostikoa (-1. solairua)
- Laborategia (0. eta 1. solairua)
- Lan-osasuna (0. solairua)
- Prebentzio-medikuntza (0. solairua)
- Farmazia (-2. solairua)
Azken aldaketako data: