Estilo aholkuak
Kexa gutuna idaztean izan dugun arazoari buruzko azalpen zehatzak eta argiak emango ditugu.
Tonu gogorregia ez erabiltzen saiatuko gara, ezta sarkastikoa ere. Gerta daiteke gure gutuna jasoko duen pertsona arduraduna ez izatea, hortaz, beti kexa adieraztean heziera ona mantenduko dugu. Tonu zorrotza izan behar da, baina ez zakarra.
Estilo zuzena
Gaztelaniazko ereduari jarraituz osatutako hirugarren pertsonako zenbait egitura baztertu behar dira, urruntasuna ematen baitiote testuari.
Honelako idazkiak argiak eta zuzenak izan behar dira eta igorlea zein hartzailea agerian utzi behar dira. Horretarako, idazkiaren igorlea adierazteko lehen pertsona -ni edo gu- erabiliko da, eta hartzailearentzat bigarren pertsona -zu edo zuek-.
aholkatuta / utzarazita
▼ ...jakinarazten da |
▲ ...jakinarazten dizut |
▼ ...eskertzen zaizu |
▲ ...eskertzen dizugu |
se comunica
se agradece |
Formaltasuna
Gutxieneko formaltasuna zaindu behar dugu idazkietan; hala ere, baztertu egin behar ditugu errotik formaltasun hutsalaren adierazpide batzuk:
▼ Jaun/ Andre txit prestua, gorena, argia...
▼ Baimena emateko erregutzen dizut...
Idazki elebidunetan, euskara nabarmendu
Izenburua erdian eta letra larriz idatzi behar da. Horrez gain, gutun elebidunetan euskarazko izenburua beti idatziko dugu erdarazkoaren gainean eta letra lodiz.
KEXA ADIERAZI
REFLEJAR UNA QUEJA
Testua orri bakarrean bi zutabetan idatziz gero, erabili ezkerrekoa euskaraz idazteko, hori baita lehen irakurtzen dena.
Gurekin harremanetan jartzeko eskatzen dizuet, faborez.
Arazo hau laster konponduko duzuelakoan.
Os pedimos que, por favor, os pongáis en contacto con nosotros.
Esperando que pronto solucionéis este problema.
Bestalde, osagai batzuk euskara hutsean idatz daitezke nahiz eta testua elebiduna izan; esate baterako, helbidea.