Laneko arriskuen prebentzioaren arloko ikerketa-proiektuetarako diru-laguntzak (2012)

2012ko urtarrilaren 1a baino lehen Euskal Auto¬nomia Erkidegoan erroldatutako pertsona fisikoek eta Euskal Autonomia Erkidegoan egoitza duten pertsona juridikoek, publiko zein pribatuek, eskatu ahal izango dituzte ebazpen honetan araututako dirulaguntzak.

650.000 euro erabiliko dira guztira, eta horiek honakoari egotziko zaizkio: “Laneko Segurtasuna eta Osasuna” 3113 Programa, “Zuzendaritza Nagusia” 01 Zerbitzua; hain justu ere “Eragiketa arruntetarako transferentzia eta dirulaguntzak” izeneko IV. Kapituluaren barruan.

Diruz lagun daitekeen aurrekontuaren % 100 emango da gehienez garatu beharreko jarduerentzat. Jarduera horiek urtebeteko epean garatu beharko dira, hartu-agiria duen posta ziurtatuz bidalitako esleipenaren jakinarazpen ofiziala hartu eta hurrengo egunetik zenbatzen hasita.

Ebazpen honetan aurreikusitako diru-laguntzak beherago zehaztutako gastuak ordaintzeko dira. Hain zuzen ere, gastuek proiektuarekin erlazionaturik egon beharko dute eta ezinbestekoak izango dira proiektua gauzatzeko. Horrez gain, gastu horiek exekuzio-epean burutu eta eskabidean behar bezala espezifikatuko dira:

• Proiektua burutzeko gastuak behar bezala justifikatzea, material ahikorra eta material bibliografikoa eta dokumentala erostea, kasu. Tresnak eta ekipoak proiekturako zein heinetan eta zenbat denboraz erabiltzen diren, proiektuak dirauen artean. Tresnak eta ekipoak ez badira proiekturako esklusiboki erabiltzen, proiektuaren iraupenari dagokion amortizazio-kostuak soilik lagunduko dira diruz, betiere kostuok kontularitzako praktika onekin bat kalkulaturik. Kanpoko zerbitzuak kontratatzea. Dieta eta joan-etorriei dagozkien gastuak: bidaiaren iraupena eta ikerketa-proiekturako zer interes duen jasoko da, eskabidea aurkezterakoan informazio hori eskura izanez gero. Goreneko portzentajea ez da proiektuaren guztiko zenbatekoaren % 20 baino gehiago izango.
• Erakunde onuraduneko langile-gastuak; erakunde horrek proiektuan emandako orduak eta horien kostua egiaztatu beharko ditu. Eta gehienezko portzentajea ez da proiektuaren aurrekontu osoaren % 30 baino handiagoa izango.
• Proiektua garatzeko berariaz kontrataturiko langileen ordainsariak.
• Zeharkako kostuak: direnak izateagatik, proiektuaren gastutzat zuzenean ezin har daitezkeen gastuak (argindarra, telefonoa... ); ez da eskatutako zenbateko osoaren % 10 baino gehiago izango.

Esklusiboki administrazio-erabileratarako diren altzariak edo materialak erosteko gastuak ez dira sekula ere aintzat hartuko.

Administrazio honek, beste administrazio batzuek edo beste erakunde publiko nahiz pribatu batzuek helburu bererako emandako diru-laguntzak bateragarriak dira deialdi honetan araututako diru-laguntzekin. Edonola ere, erakunde onuradunek Osalani jakinarazi beharko diote beste laguntza horiek lortu dituztela.

Emandako laguntza eta diru-laguntzen zenbatekoak ezin izango du gainditu egindako jardueraren kostu osoaren % 100, jarduera berarentzako beste diru-laguntzak edo finantzatutako jardueran bertan lortutako diru-sarrerak kontuan izanik, betiere.

Onartutako diru-laguntzaren % 40 diru-laguntzaren ematerakoan emango da, diru-laguntzari atxikitako jarduerak burutzeko beharrezko finantzazio gisa. Bigarren ordainketa bat, diru-laguntzaren %30 hain zuzen, egin ahal izango da, diru-laguntzaren ematea egin eta sei hilabete pasatu ondoren, egun horretara arte egindako gastua aurretik justifikatu behar delarik. Diru-laguntzaren gainontzekoa, diruz lagundutako jarduera esleipen-ebazpenean ezarritako baldintzetan eta eran burutu eta gero ordainduko da onartutako. Horretarako, berandunez 10 egun balioduneko epean -exekuziorako ezarritako aldia bukatu ondoren- agiri hauek aurkeztu beharko dira:

• Burututako jardueren justifikazioko memoria. Bertan, burututako jarduerak eta lortutako helburuak deskribatuko dira, betiere, proiektuan zehaztu egutegia kontuan izanik, eta proiektuaren emaitza diren produktuak aurkeztuko dira (datu-baseak, informatika-programak, argitalpenak, ponentziak).
• Proiektua exekutatzeari buruzko laburpena, IV. eranskinaren ereduarekin bat datorrena eta gutxienez 10 orrialde eta gehienez 30 dituena; Osalanek laburpen hori zabaldu ahal izango du, paperean zein euskarri informatikoan. Hala ere, proiektua burutzeak sortu agiriak eskatu ahal izango ditu Osalanek, eta horretaz gain, in situ egiaztatu ahal izango ditu proiektuaren garapena eta exekuzioa.
• Onuradunak eskubidea izango du nahi dituen argitarapen, aurkezpen eta komunikazioak egiteko, betiere Osalan erakundek proiektua diruz lagundu duela aipatzen bada.
• Osalanek eskubidea du proiektutik ateratako emaitzak egoki iritzitako eran zabaldu eta ustiatzeko, betiere, apirilaren 12ko 1/1996 Legegintzako Errege Dekretuaren bitartez onartutako Jabetza Intelektualari buruzko Lege Orokorraren Testu Bateginean egileei ematen zaizkien eskubideen aurka egin gabe, besteak beste, proiektuko ikerlari nagusiari eta erakunde onuradunari dagokienez. Halaber, informatika produktuak ez eze, erabilera, mantenu eta aldaketetarako beharrezko diren materialak ere, murrizketarik gabe erabili ahal izango ditu Osalanek, betiere arlo horretan izan litezkeen kolaborazioak kaltetu barik. Proiektuaren emaitzak zabaldu eta ustiatzeari dagokionez, Osalanek hala eskatuz gero, diru-laguntzaren onuradunak berariazko baimena lagatzen diola formalizatu beharko du.
• Diruz lagundutako jardueraren edo jardueren aurrekontua. Eskabidean aurkeztutako kontu-sailaren egituran ezingo da aldaketarik egin. Aparteko aldaketaren bat egin behar izatekotan, proiektuaren ikertzaile arduradunak eskabidea egin beharko du, aldez aurretik eta arrazoiak emanez, eta betiere, erakunde onuraduna horren jakitun eginez. Balorazio Batzordearen esku egongo da aldaketa onartzea ala ukatzea.
• Onartutako aurrekontuan azaltzen diren gastuei dagozkien egiazko egiaztagiriak, jatorrizko fakturak edo konpultsatuak, edo Zuzenbidean onartzen den beste edozein agiri; eta ondokoak ere hala egiaztatu beharko dira: matrikulatik, agirien salmentatik eta gainerako finantzaketa-iturrietatik sortutako diru-sarrerak, guztiak ere proiektuan aurreikusitakoak.
• Kontzeptu finantzagarriak bereizita eta banakatuta agertu beharko dute faktura horietan. Gastuen fakturak edo dagozkien agiriak, proiektua exekutatu eta aurkezteko ezarritako egunak baino lehenagokoak izan beharko dira, deialdiaren eguna baino lehen onartu eta hasi direnen kasuan izan ezik; horrelakoetan, aurkeztutako egoera-aurrerapenean zehaztutako exekuzio-epean egindako fakturak sartu ahal izango dira.
• Diruz lagundutako jardueren publizitaterik eginez gero, publizitate horretan Osalanen lankidetza agerian adierazi dela justifikatzen duten agiriak.