Itsasoko energia teknologia berriztagarriak erakusteko eta balioztatzeko laguntzak. 2018

Dokumentazio administratiboa (i) Banako proposamena: a) Laguntza ekonomikoaren eskaera, I. eranskinean atxikitako ereduari jarraiki. b) Sinatzailearen NANaren kopia. c) Eraketari buruzko eskrituraren, arauaren edo egintzaren kopia. d) Eskatzailearen ordezkaria dela egiaztatzen duen dokumentuaren edo ahalorde-eskrituraren kopia. e) Kontu-zenbakia (20 digitu) ziurtatzeko banku-agiria; onuradunak laguntza kobratu nahi duen kontu horren titular dela justifikatu beharko du. f) Eskatu diren edo/eta jaso diren bestelako laguntzei buruzko adierazpena eta, hala badagokio, legez kanpokotzat edo bateraezintzat hartutako laguntza fiskalei buruzkoa (II. eranskina). Laguntzaren bat eskatu edo jaso baldin bada, hau ez den beste laguntza instituzionaleko linearen batean bestelako laguntzaren bat eskatu edo eman izanaren ebazpen edo komunikazio guztien kopia, hala badagokio, eta betiere laguntza hori Laguntza Programa honetan proposatutako proiektuari badagokio. g) Enpresa bat izanez gero, Herrialde Pobretuekiko Justizia eta Elkartasunerako Gutunaren abenduaren 28ko 14/2007 Legean xedatutakoa betez, eskatzailearen erantzukizun-adierazpena, enpresaren helburu soziala eta jarduna armen produkzioa, merkaturatzea eta finantzaketa ez dela adierazita (III. eranskina). h) 250 langiletik gorako enpresen kasuan, enpresak Emakumeen eta gizonen berdintasun eragingarrirako martxoaren 22ko 3/2007 Lege Organikoan eskatzen den Berdintasun Plana baduela ziurtatzen duen zinpeko deklarazioa aurkeztu beharko dute (IV. eranskina). i) Adierazpena, erakunde eskatzailea itzulketa- edo zehapen-prozeduraren batean sartuta ez dagoela adierazten duena, ezta zigor- eta administrazio-arloan diru-laguntza edo laguntza publikoak lortzeko aukera galtzearekin zigortuta ere, eta hartarako ezgaitzen duen legezko debekuaren eraginpean ere ez dagoela, otsailaren 18ko Emakumeen eta Gizonen arteko Berdintasunerako 4/2005 Legearen Azken Xedapenen arteko seigarrenean xedaturikoari jarraiki. j) Enpresa-izaeraren adierazpena, 800/2008 Erregelamenduari dagokionez eta, enpresa handi edo ertaina bada, berregituratze-garaian ez dagoela. Eta berregituratze-garaian baldin badago, Europako Batzordeak dagokion berregituratze-laguntzaren berri jaso ote duen (V. eranskina). k) Gizarte Segurantzari eta Foru Ogasunei ordaindu beharrekoak ordaindu izanaren egiaztagiri eguneratua. l) Erakunde eskatzailea Europako Batzordeak emandako berreskuratze-aginduren bati atxikia ez dagoela dioen adierazpena. (ii) Lankidetzako proposamena: Lankidetzako proiektuetarako, erakunde interesdunek proiektu bakoitzeko eskaera integratu bat aurkeztu beharko dute eta kide guzti-guztiek goiko (i) atalean aipatu den dokumentazioa aurkeztu beharko dute; horretaz gain, partzuergoaren edo elkartearen harreman hori formalizatzeko dokumentua ere aurkeztu behar da, kideen eskubide eta betebeharrak zehaztuta. Horrekin batera, kide bakoitzak bere gain hartutako gauzatze-konpromisoak (jarduerak eta aurrekontua) adierazi beharko dira, konfidentzialtasun-akordioak, emaitzen jabetza, jabetza industrialaren eta intelektualaren legezko babesa (patenteak), emaitzen etorkizuneko merkataritza-ustiapena, emaitzak jendaurrean jartzea... Proiektuan parte hartzen duten enpresetako batek, proiektuaren garapenaren eta kudeaketaren erantzule eginez, proiektuaren martxa onerako beharrezkoak diren Administrazioarekiko elkarrizketa- eta harreman-funtzio guztiak bere gain hartuko ditu; beraz, proiektuaren zuzendari eta erakunde guztien ordezkari izango da, hau da, proiektuaren buru. Edonola ere, ordezkari edo ahaldun bakarra izendatu beharko da eta, onuradun den aldetik, enpresen partzuergoari, elkarteari edo taldeari dagozkion betebeharrak betetzeko behar adina ahalorde izango ditu. Dokumentazio teknikoa a) Deskribapen-memoria. Garapen esperimentala deskribatu behar da, hasierako faseetatik hasi eta saiakuntzetan parte hartu behar duen prototipoaren fasera iritsi arte; prototipoaren deskribapena ere bildu beharko du. Halaber, honako alderdi hauek ere deskribatuko dira: saiakuntzen helburua zein den, metodoa, behar izango diren baliabideak eta horiek lortzeko modua, mantentze-lanak saiakuntzetan, instalatzeko eta desinstalatzeko maniobrak eta abar. b) Saiakuntzen programa. Saiakuntzen programaren plangintza, saiakuntzak egiteko tokia prestatzetik hasi eta saiakuntzetan erabilitako elementuak kentzearekin bukatu, behar izanez gero. c) Guztizko aurrekontua, kontzeptuen arabera banakatuta eta urte naturalei dagozkien urteko aurrekontuak, kontzeptuen arabera banakatuta. Eskatzaileak saiakuntzaldian egin beharko dituen ordainketen plangintza. d) Erakusketa-programa hartuko duen saiakuntza-azpiegiturak sinatutako onarpen- edo babesgutuna. e) Eragin pizgarriaren justifikazioa, 651/2014 Erregelamenduaren 8. artikuluaren arabera.