Mugikortasun mugatuko pertsonentzat egokitutako autotaxiak erosteko laguntzak. Gipuzkoa, 2017

a) Eskatzailearen nortasunaren egiaztagiria (pertsona fisikoek NA aurkeztuta eta per tsona juridikoek, berriz, entitatearen eraketari buruzko eskritura edo entitatea eratu izana egiaztatzen duen edozein agiri, eta estatutuak aurkeztuta, guztiak Merkataritza Erregistroan edo dagokion erregistroan behar bezala inskribatuak). b) Indarrean dauden udal lizentziaren eta VT baimenaren kopia bana. c) Ibilgailu berria egokitzeko gastuen proforma faktura, edo, egokitzapen gastuak ibilgailu berria erosteko fakturan sartuta badaude, erosketa horren proforma faktura, egokitzapenari dagokion gastua bereizita. d) Homologatutako irratira atxiki izanaren ziurtagiria edo, bestela, atxiki tzeko konpromisoa. e) Bosgarren oinarriaren 3. paragrafoan aipatzen den berariazko eta ardurapeko adierazpena, onuradun izateko baldintza lortzeko debekurik ez duela dioena, alegia. f) Berariazko eta ardurapeko adierazpena, zeinetan adieraziko baita ibilgailua zerbitzu publikoari atxikita egongo dela 5 urtez, gutxienez. g) Berariazko eta ardurapeko adierazpena, jasotako bestelako diru laguntzei buruzkoa. h) Berariazko eta ardurapeko adierazpena, zerbitzua eskaintzerakoan mugikortasun mugatuko pertsonek lehentasuna izango dutela adieraziz. i) Zerga betebeharrak eta Gizarte Segurantzakoak egunean dituela frogatzen duten ziurtagiriak. Ziurtagiri horien ordez organo kudeatzaileari berariazko baimena eman dakioke ziurtagiriak emateko administrazio eskudunetatik datu horiek zuzenean eskura ditzan.