Mahastien Birmoldatze eta Berregituratze Planei Laguntzak. Bizkaia 2019

a) Planarekin lortu nahi diren helburuak. b) Planaren kokalekua eta identifikazioa. c) Plana talde-mailakoa izanez gero, taldea osatzen duten mahastizainen identifikazioa. d) Lursailen kokalekua eta ezaugarriak, hasierakoak eta berregituratu ondorengoak (barietateak, formazio-sistemak, landaketamarkoa, etab.), plana osatzen duten lursailak Nekazaritza Lursailak Identifikatzeko Informazio Geografikoaren Sisteman (SIGPAC) duten identifikazioarekin. e) Proiektuan jaso diren birlandatze-eskubideak, ustiategiaren barnean edo kanpoan landatzeko eskubideak zehaztuz. f) Berregituratu beharreko lursail bakoitzean egin beharreko ekintzak, banakatuta, horien kostua guztira jasoz, baita ekintza bakoitza noiz bukatzea aurreikusten den ere. g) Aurreikusitako ekintzak egiteko urteko egutegia. h) Planean parte hartzen duena lursailaren jabea ez bada, berregituratu edo birmoldatu beharreko lursailaren jabearen, edo hala badagokio, titularraren baimena. i) Laguntza eskatzen duenaren konpromisoa, neurria bete ondorengo kanpainatik zenbatzen hasiz gutxienez 10 urtez lursaila landuko duela adieraziz. j) Bizkaiko Lurralde Historikoko Nekazaritzako Ustiategien Erregistroan eta Mahasti Erregistroan izena emanda egotearen ziurtagiria. k) Eskaera pertsona juridiko, ondasun-erkidego eta sozietate zibilak egin badu, bazkideek eskaera egiteko hartutako erabakiaren kopia, horretarako ordezkaria izendatuz edo dagozkion ahalmenak aurkeztuz. l) Eskaera aurkezten duen edo duten mahastizainak edo mahastizainek ez badu(te) 13/2009 Dekretuan ezarritako laguntzen Eskaera Bakarra aurkezten, ustiategia osatzen duten nekazaritzalursail guztien SIGPAC erreferentzia alfanumerikoen zerrenda aurkeztu beharko du(te), abenduaren 22ko 630/2009 Dekretuko 34. artikuluan ezarritako baldintzak kontrolatze aldera; hasieran aipatutako 13/2009 Dekretua, urtarrilaren 20koa, Euskal Au-tonomia Erkidegoaren eremuan nekazaritzarako eta abeltzaintzarako «ordainketa bakarreko» erkidego-laguntzen jardunbidea eta bestelako zuzeneko lagun-tzen jardunbidea garatu eta aplikatzen duena da. Aldaketak izanez gero, zerrenda hori urtero berritu beharko da, laguntzak jasotzen dituzten mahastiak berregituratu edo birmoldatzeko plana aurkezten duten titularrek plana aurkeztu eta hurrengo bi urteetako apirilaren 30a baino lehen. m) Lursailak berregituratu edo birmoldatzeko onuradunak laguntza eskatzen duen planaren egikaritze-kanpaina bakoitzean, edo urte horretan berregituratu edo birmoldatuko dituenean, eskaertzarekikoak egunean dituztela frogatzeko egiaztagiriak aurkeztu beharko dira. n) Plana osatzen duen bakoitzaren azken urteko Uztaren aitorpenaren fotokopia, edo hori eduki ezean, Ekoizpenaren jatorriaren eta helmugaren aitorpena.