Uraren Euskal Agentziaren zuzendari nagusiak, 2018ko ekainaren 27ko Ebazpenaren bitartez, Elorrioko udalerrian Toloto errekastoren hiri barruko tartea egokitzeko proiektuari hasierako onespena eman zion, eta jendaurreko kontsultan jarri zen.

Ebazpen hau Euskal Herriko Agintaritzaren Aldizkarian argitaratu zen 2018ko uztailaren 9an. Behin jendaurrean jartzeko epea bukatuta, ez da alegaziorik aurkeztu.

Halaber, proiektua aztertu eta aldeko txostena emanda dago, teknikoki zuzena dela eta alorreko legeria berezia betetzen duela egiaztatu da, bai eta Sektore Publikoko Kontratuen azaroaren 8ko 9/2017 Legearen 233. artikulua eta indarrean dauden bestelako legezko xedapenak ere.

Administrazio Kontseiluaren 2010eko ekainaren 29ko saioan emandako eginkizunen eskuordetza betez, Uraren ekainaren 23ko 1/2006 Legeko 13.f) artikuluari jarraituz, lege beraren 15.m) artikuluaren eta Agentziako 7.2.ñ) artikuluaren arabera, zuzendari nagusiari dagokio proiektu honen onespena.

Hori aintzat harturik, jendaurrean jartzeko izapidea ebatzi eta behin betiko onespena eman behar da.

Horiek horrela, aipatutako xedapenak, horiekin bat datozenak eta aplikatu beharreko gainerakoak ikusirik, honako hau