Hezkuntza, Hizkuntza Politika eta Kulturako sailburuaren 2016ko azaroaren 16ko Aginduak Euskal Autonomia Erkidegoko Administrazioaren «Auzolandegiak» programaren 2017. urteko ediziorako proiektuak aurkezteko deia egiten die Euskal Autonomia Erkidegoko erakunde publikoei eta irabazi-asmorik gabeko erakunde pribatuei. Agindu hori 2016ko azaroaren 25ean eman zen argitara EHAAn.

Agindu horren eranskinaren 11.1 oinarrian xedaturikoaren arabera, Gazteria eta Kiroletako zuzendariak «Auzolandegiak» programarako proiektuen onarpenari buruzko ebazpena emango du, hautaketa-batzordearen proposamena ikusita. Une horretan, oraindik ez denez onartu Enpleguko eta Gizarte Politiketako Sailaren araudi organikoa eta sailean ez dagoenez Gazteriaren arloko eskumenik daukan beheragoko mailako kargurik, sailburuak berak ebatzi behar du deialdi hau.

Agindu horren eranskinaren 11.1 oinarrian xedaturikoa betez, Enpleguko eta Gizarte Politiketako sailburuak agindua eman du 2017ko urtarrilaren 18an. Ebazpen horren bidez, Euskal Autonomia Erkidegoko Administrazioaren «Auzolandegiak» programaren 2017. urteko ediziorako proiektuak onartu ditu. Ebazpen horretan jaso da onartu ez diren proiektuen zerrenda ere.

Ebazpenaren berri emango zaie banan-banan interesdun guztiei. Horrez gain, aginduaren eranskinaren 11.2 oinarrian xedaturikoari jarraituz, onartu diren eta onartu ez diren proiektuen zerrendak Euskal Herriko Agintaritzaren Aldizkarian argitaratuko dira, zabalkunde osoa izan dezaten.

Ondorioz, honako hau