Arautegia

Inprimatu

15/2016 DEKRETUA, otsailaren 2koa, Euskadiko Kirol Federazioen Dekretua aldatzen duena.

Identifikazioa

  • Lurralde-eremua: Autonomiko
  • Arau-maila: Dekretua
  • Organo arau-emailea: Hezkuntza, Hizkuntza Politika eta Kultura Saila
  • Jadanekotasuna-egoera: Indarrean

Aldizkari ofiziala

  • Aldizkari ofiziala: EHAA (Euskal Herria)
  • Aldizkari-zk.: 23
  • Hurrenkera-zk.: 509
  • Xedapen-zk.: 15
  • Xedapen-data: 2016/02/02
  • Argitaratze-data: 2016/02/04

Gaikako eremua

  • Gaia: Kultura eta Kirola; Administrazioaren antolamendua
  • Azpigaia: Herri Administrazioa

Testu legala

Euskadiko Kirol Federazioen urtarrilaren 31ko 16/2006 Dekretuan ezarri zen kirol-federazioetako presidenteen eta federazio horietako zuzendaritza-batzarretako kideen gehieneko agintaldi-kopurua.

Kopuru hori kirol-federazioetako estatutu edo erregelamenduetan onartu zen, federazio-antolamenduaren dinamismoa eta berrikuntza sustatzeko edo bultzatzeko helburuarekin. Hori dela eta, 91.2 eta 102.2 artikuluek agintzen zuten estatutuetan edo erregelamenduetan agintaldien gehieneko kopurua jaso behar zela.

Dekretua onartu zenetik igarotako denboran, gatazka handia izan da gai honi dagokionez, eta ez da hasierako helbururik lortu; izan ere, kirol-federazioek eta lurralde-federazioen eta euskal federazioen babeserako administrazio publikoek ez dute modu berean aplikatu Dekretua.

Ondorioz, kirol-federazio gehienek eta Euskal Kirol Federazioen Batasunak hala eskatuta, beharrezkotzat jo da araudia aldatzea, kirol-federazioek libreki har ditzaten beren interesekiko eta funtzionamenduarekiko komenigarrienak diren erabakiak.

Ondorioz, Kultura, Hizkuntza Politika eta Hezkuntza sailburuaren proposamenez, Euskadiko Aholku Batzorde Juridikoarekin bat, eta Gobernu Kontseiluak 2016ko otsailaren 2an eginiko bilkuran eztabaidatu eta onartu ondoren, hauxe

  1. Estatutuetan edo erregelamenduetan Zuzendaritza Batzarreko kideen gehieneko agintaldien kopurua ezarri ahal izango da.

  1. Estatutuetan edo erregelamenduetan presidenteen gehieneko agintaldien kopurua ezarri ahal izango da.

Dekretu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.

Vitoria-Gasteizen, 2016ko otsailaren 2an.

Lehendakaria,

IÑIGO URKULLU RENTERIA.

Hezkuntza, Hizkuntza Politika eta Kulturako sailburua,

CRISTINA URIARTE TOLEDO.

Gaiarekin lotutako edukiak.


Arauaren historia

Ez dago lotutako edukirik

Eskumenak eta transferentziak

Ez dago lotutako edukirik

Garrantzi juridikoko dokumentazioa

Ez dago lotutako edukirik

Kanpo-erreferentzia (barne-erabilera)

Ez dago lotutako edukirik