Enpresak sortu eta garatzeko prozesuan laguntzeko programa. Emakumeek sustatutako empresa proiektuak. Gipuzkoa 2017

a) Entitate eskatzailearen datuak. b) Diru laguntzaren xede den proiektua edo jarduera deskribatuko duen memoria, non jasoko baitira lortu nahi diren helburuak, garatuko diren ekintzak, egutegia, metodologia, etab. (Jakintza eta Enpresa Jarduera Sustatzeko Zerbitzuak eranskin bakoitzerako ezarritako ereduaren arabera). c) Aurkeztutako proiektuaren aurrekontu zehaztua. d) Ardurapeko adierazpena, deialdi honetan eransten den ereduaren araberakoa, eta eskaera telematikoan ere sartzen dena, Gipuzkoako Lurralde Historikoko diru laguntzei buruzko 2007ko martxoaren 27ko 3/2007 Foru Arauko 12. Artikuluan ezarritakoari jarraiki, entitate onuradun izaera lortzeko debekurik ez duela adierazten duena, baita emakumeen eta gizonen berdintasunari buruzko 2005eko otsailaren 18ko 4/2005 Legearekin eta Herrialde Pobretuekiko Justizia eta Elkartasunerako Gutunaren 2007ko abenduaren 28ko 14/2007 Legearekin zerikusia dutenak. Eta enpresak azken hiru ekitaldi fiskaletan jasotako ≪de minimis≫ laguntzei buruzkoa, horiek jaso baditu. e) Zerga betebeharretan eta Gizarte Segurantzakoetan egunean daudela egiaztazen duen dokumentazio eguneratua. Dokumentazio horren ordez, Berrikuntzako, Landa Garapeneko eta Turismoko Departamentuari baimena eman dakioke berariaz, berak zuzenean jaso ditzan datu horiek, horrelakoak emateko eskumena duten administrazioetatik. f) Laguntza bateragarrien ziurtagiria.