Euskarazko aldizkariak argitaratzeko languntzak. Bizkaia 2018

a) Diru-laguntzaren eskabidea sinatzen duenaren NANaren fotokopia. b) Erakunde eskatzailearen estatutuen edo eraketa-eskrituren fotokopia. c) Pertsona edo erakunde eskatzailearen Ekonomi Jardueren gaineko Zergaren alta-agiriaren eta Identifikazio Fiskaleko Kodearen fotokopia egiaztatua (edo Identifikazio Fiskaleko Zenbakiarena, hala badagokio), Bizkaiko Foru Aldundiko Ogasun eta Finantza Sailak emandakoa. d) Dagokion erregistroan inskribatuta egotearen ziurtagiria. e) Banku-helbideraketaren fitxa (IV ¿ E5 inprimakia). f) Ordezkaritzaren egiaztagiria, ordezkariaren bidez jardunez gero. Aurreko a) letratik f) letrara aipatutako dokumentazioa aurkeztu beharko da baldin eta ez bada aurretiaz aurkeztu foru aldundi honetako Euskara Zerbitzuan, eta ez bada aldaketarik egon azken hiru urteetan; izan ere, kasu horretan, zehaztu beharko da zein egunetan aurkeztu zen. g) Proiektuaren sarrera eta gastuen aurrekontu xehekatua, non autofinantzaketa maila ere zehaztuko den; aurrekontu hori bat etorri behar da I ¿ E1 inprimakiko ereduarekin. h) Jardueren proiektua azaltzeko memoria, eta bertan jaso behar dira, esaterako, proiektuaren ezaugarri orokorrak, hartzaile potentzialak, helburuak eta proiektua lantzeko, banatzeko eta abarrerako bitarteko teknikoen deskripzioa. i) Argitalpenaren ezaugarriak: maiztasuna, ale kopurua, argitalpenak duen zabalkundea (zer eremu geografiko hartzen duen eta/edo zer eremu geografikotan banatzen den), antzinatasuna, lege-gordailua eta ISSNa (hala badagokio) eta harpidedunen kopurua. j) Formatu elektronikoan argitaratzen diren aldizkarien kasuan: hileko bisiten batezbestekoa, hilean argitaratutako albisteen batez bestekoa, aldizkariak hartzen duen eremu geografikoa ¿aldizkariaren edukiak eremu horri buruzkoak izango dira, hain zuzen¿, eta antzinatasuna. Formatu elektronikoan zein paperean editatzen diren aldizkariek, baldin eta bi edizio-mota horietarako diru-laguntza eskatzen badute deialdi honen barruan, proiektu bakarrean sartuko dira foru dekretu arautzaile honen ondorioetarako. Hala, bada, eskabide bakarra egin beharko da, bi formatuok batera aurkeztuz. k) Jardueraren sarrera propioen aurreikuspena kontuan hartuta (modu generikoan agertuko dira I ¿ E1 inprimakiren arabera prestatutako aurrekontuan), hauek zehaztu behar dira: bazkideen kuotekin lortutako sarreren zenbatekoa, publizitatearekin lortutako zenbatekoa, argitalpenaren salmenta zuzenarekin lortutako sarreren zenbatekoa eta jarduerarekin lortutako beste sarrera batzuen zenbatekoa. l) Autofinantzaketaren portzentajea: portzentaje bat da, aurrez ikusitako sarrera guztien batura (proiekturako aurrez ikusitako diru-laguntza publikoetatik datozenak eta deialdi honetan eskatutako zenbatekoa kontuan izan gabe) sarrera osoen arabera erakusten duena. m) Proiektuari eskainiko zaion dedikazioa, aurrez ikusitakoa: proiektua aurrera eramaten ziur aski parte hartuko duten pertsonen kopurua eta bakoitzak izango duen ordu-dedikazioa, estimazioetan oinarritutakoa. n) Bizkaiko Gardentasunari buruzko 2016ko otsailaren 17ko 1/2016 Foru Arauaren 2. artikulua aintzat harturik, erakundeak urtean aurreikusten dituen sarrerak, guztira.