IN TXIKI-Enpresa Txikien Lehiakortasuna Hobetzeko Plana. Proiektu berritzaileetarako laguntzak. Bizkaia 2016

a) Azken 4 urteetan (2013, 2014, 2015 eta 2016ko deialdietan), Berrikuntza Sustatzeko Planean diru-laguntzarik jaso gabeak izatea. b) Bizkaian izatea egoitza soziala, zerga-egoitza eta, gutxienez, ekoizpen-zentro bat. c) 3 eta 50 pertsona arteko plantilla izatea lanaldi osoan, baina betiere urteko kopuru baliokideetan. Plantillakotzat joko dira enpresaren jarduerari atxikita dauden baina euren izaeragatik Gizarte Segurantzaren Araubide Orokorrean alta emanda egon ezin diren langile autonomoak. d) Enpresaren jarduera nagusia honako sektore hauetarikoren batekoa izatea: industria, eraikuntza, garraioa, industriarekin lotutako zerbitzuak eta handizkako merkataritza. Hau da, jarduera nagusia 2009ko Jarduera Ekonomikoen Sailkapen Nazionaleko (JESN) epigrafeen barruan sartuta izatea. Deialdiaren I. eranskinean jaso dira epigrafeok. e) Honako bi muga hauetako bat ez gainditzea, aurkeztutako azken Sozietate Zergako aitorpenaren arabera: ¿ Urteko negozio kopurua: 10.000.000 euro. ¿ Balantze orokorra: 10.000.000 euro. f) Egunean izatea zerga-betebeharrak, Gizarte Segurantzarekikoak eta itzuli beharreko diru-laguntzak, eta ez egotea Dirulaguntzei buruzko Foru Arauaren 12. artikuluan aipatzen diren gainerako inguruabarretatik ezeinetan. g) Ekonomi eta Lurralde Garapena Sustatzeko Saileko Erakundeen Erregistroan inskribatuta egotea. Horretarako, nahitaezkoa izango da sinadura elektronikoa izatea edo BizkaiBai zerbitzuan alta ematea, sailean bertan. Izen-emate hori bulego birtualean egin behar da, diru-laguntza bera eskatu aurretik.