Autoenpleguaren sustapena. Aholkularitza eta prestakuntza ikastaroak 2017

1. Banku-helbideratzearen fitxa: Fitxan adierazitako kontuenbakiak eskabide orrian jarritako bera izan behar du. Kontuan aldaketak eman badira edota kontu berri baten alta eman nahi bada baino ez da aurkeztu beharko. 2. Erakunde eskatzaileak aholkatutako eta 2015eko urriaren 1etik 2016eko irailaren 15era bitartean martxan jarritako proiektuen zerrenda. Dokumentazio hau aurkeztu behar da: a) 53/2016 Foru Dekretuaren II. Atalean jasotako dirulaguntzarik eskatu ez duten proiektuen kasuan, eskatzaileek honako hauek aurkeztu beharko dituzte formato elektronikoan: negozioplana, trebakuntza-ikastaroa egin izanaren ziurtagiria —aholkularitza jaso duen proiektu bakoitzaren sustatzaile arduradunak sinatuta—, zenbat aholkularitza-ordu hartu diren eta zer eduki landu den adierazten duena, bai eta zenbat prestakuntza-ordu jaso diren. b) 53/2016 Foru Dekretuaren II. Atalean jasotako dirulaguntza eskatu duten proiektuen kasuan. — Eta, gainera, dekretu honen I. Atalean jasotako dirulaguntza eskatu duen erakundeak proiektu hori 53/2016 Foru Dekretuaren justifikazioan sartu badu, soilik 53/2016 Foru Dekretuaren II. Atalean jasotako diru-laguntza eskatu duen enpresaren sozietate-izena eta IFZ zehaztu beharko dira, prozedura horretan eman zitzaion administrazio-espedientearen zenbakiaz gainera. — Eta, hala ere, dekretu honen I. Atalean jasotako diru-laguntza bat eskatu duen erakundeak ez badu sartu proiektu hori 53/2016 Dekretuaren justifikazioan, 53/2016 Foru Dekretuaren II. Atalean jasotako diru-laguntza bat eskatu duen enpresaren sozietate-izena eta IFZ ere zehaztu beharko ditu, baita prozedura horretan eman zitzaion administrazio-espedientearen zenbakia ere, eta trebakuntza-ikastaroa egin izanaren ziurtagiria aurkeztu behar du —aholkularitza jaso duen proiektu bakoitzaren sustatzaile arduradunak sinatuta—, zenbat aholkularitza-ordu hartu diren eta zer eduki landu den adierazten duena, bai eta zenbat prestakuntza-ordu jaso diren. — Erakunde eskatzaileak aholkatutako eta 2015eko urriaren 1etik 2016eko irailaren 15era bitartean martxan jarritako proiektuak sustatzen dituzten pertsonen kasuan, ziurtagiri pertsonalizatua eta eguneratua aurkeztu beharko dute, Bizkaiko Foru Aldundiak, Gizarte Ekintza Sailak edo beste edozein organo eskudunek emandakoa, non egiaztatzen den proiektuan parte hartzen duten guztiak deialdiaren oinarri arautzaileak ezartzen dituen dekretuko 7. artikuluan deskribatzen diren taldeetako batekoak direla. 3. Honako hauek zehazten dituen memoria: a) Proposatutako ekintzaren egokitasuna justifikatzeko arrazoiak. b) Sustatzaileen hartze, profil eta aukeraketaren deskripzioa. c) Enpresa-kudeaketaren gaineko prestakuntzan aplikatutako metodologia, eduki bakoitzaren eta eduki horien iraupenen arabera. d) Negozio-plana egiteko aplikatutako metodologia, eduki bakoitzaren eta eduki horien iraupenen arabera. e) Aurkeztutako jarduera-planak entitate eskatzailearen helburu, ildo eta jarduerekiko duen koherentzia.