Txekeo Teknologikoak Programa. Bizkaia 2018

a) Sozietatearen helbidea eta zerga-helbidea Bizkaiko Lurralde Historikoan izatea. b) Gutxienez ekoizpen zentro bat edo balio erantsi handiko zentro bat Bizkaiko Lurralde Historikoan izatea. c) 5 eta 100 pertsona arteko plantilla edukitzea lanaldi osoan, baina betiere urteko kopuru baliokideetan. Plantillakotzat joko dira enpresaren jarduerari atxikita dauden baina euren izaeragatik Gizarte Segurantzaren Araubide Orokorrean alta emanda egon ezin diren langile autonomoak. Ez dira plantillakotzat joko atzerriko instalazioetan lan egiteko kontratatu diren langileak. d) Honako bi muga hauetako bat, gutxienez, ez gainditzea, aurkeztutako azken Sozietate Zergako aitorpenaren arabera: ¿ Urteko negozio kopurua: 20.000.000 euro. ¿ Balantze orokorra: 20.000.000 euro. a), b), c) eta e) baldintzak, pertsonen gutxieneko kopuruari buruzkoak, egiaztatu behar dira eskabidea aurkezten den unean, eta haiei eutsi behar zaie, harik eta ebazpena eman eta ordainketa egin arte. Gehieneko pertsona kopuruari buruzko c) baldintza eta d) baldintza, aldiz, eskabidea aurkezten denean egiaztatu behar dira. e) Zerga betebeharrak, Gizarte Segurantzarekikoak eta diru-laguntzak itzultzearen ondoriozkoak eguneratuta edukitzea. f) Sexuaren ziozko bereizkeria dela-eta zigor edo administrazioaren arloan inoiz zehapenik jaso ez izana, Emakumeen eta Gizonen Berdintasunerako otsailaren 18ko 4/2005 Legearen arabera. g) Ez dagoela Diru-laguntzei buruzko Foru Arauaren 12. artikuluan azaltzen diren inguruabarretako batean ere. e), f) eta g) baldintzak automatikoki bete beharko dira, eta kasuan kasuko inguruabarrak gertatzen diren bitartean iraungo dute, 5/2005 Foru Arauaren 12. artikuluan ezarritakoaren arabera..