Basogintzako dirulaguntzak. Araba 2018.

1 Eskatzailearen NAN/IFZren fotokopia. Ustiategi-elkartuak izanez gero, eratze agiria aurkeztuko da, bai eta kide bakoitzaren NANaren fotokopia ere 2. Zerga betebeharrak eta Gizarte Segurantzarekikoak egunean daudela ziurtatzen duen agiria. Laguntza eskaera aurkezteak berekin dakar pertsona edo entitate eskatzaileak Nekazaritza Sailari baimena ematea zerga betebeharretan eta Gizarte Segurantzarekikoetan egunean dagoela adierazten duen ziurtagiria zuzenean eskuratzeko. Dena den, eskatzaileak berariaz adierazita uka dezake baimen hori, eta, orduan, berak aurkeztu beharko ditu betebehar horiek betetzen dituela egiaztatzen duten ziurtagiriak. 3 Hala balegokio, hirugarrenen fitxa, banku datuekin, laguntza kobratzeko. 4. Erantzukizunpeko adierazpena, dirulaguntzak edo laguntza publikoak eskuratzea galarazten dion zehapen penalik edo adminsitrazio zehapenik ez duelakoa eta horrelako ezein legezko debekuren pean ez dagoelakoa. 5. Erantzukizunpeko adierazpena, laguntzak itzultzeko prozedura batean edo zehapen prozedura batean ez dagoelakoa, eta, hala balegokio, dirulaguntzak itzultzeko betebeharrik izanez gero, horiek beteta dituelakoa, 38/2003 Legeak ezarritako eran (38/2003 Legea, azaroaren 17koa, Dirulaguntzen Orokorra). 6. Jarduera ekonomikoen gaineko zergaren goiburua (JEZ), pertsona edo entitate eskatzailea urteroko deialdia argitaratu aurreko data batean inskribatuta dagoenekoa ; eta, inskribatuta, Arabako Foru Aldundian egon beharko du inskribatuta. 7. Eskabidea aurkeztu aurreko urteko jardueren memoria, eta 347 eredua, hirugarren pertsonekiko eragiketen urteko aitorpenarena, egiaztatuz Arabako lurralde historikoko mendietan gauzatu dela bere jarduera. PFEZ pertsona fisikoen errentaren gaineko zergaren edo SZ sozietateen gaineko zergaren azkeneko ekitaldiko aitorpen aurkeztuaren kopia. Enpresa sortu berrien kasuan, lanak egiteko konpromisoa aurkeztuko da, eta laguntza emateko baldintza izango da konpromiso hori betetzea. 8. Gizarte Segurantzaren txostena, non jaso behar baita urteko deialdiaren aurreko urteko abenduko likidazioaldiko langileen zerrenda izenduna. 9. Erosi beharreko makinaren eta haren aurrekontuaren ezaugarrien xehetasuna. Diruz lagun daitezkeen gastuen zenbatekoak gainditu egiten baditu azaroaren 8ko 9/2017 Legeak, sektore publikoko kontratuenak, kontratu txikirako ezarritako kopuruak, eskatzaileak hornitzaile desberdinen hiru eskaintza eskatu beharko ditu gutxienez, salbu eta diruz lagun daitezkeen gastuen ezaugarri berezien ondorioz merkatuan ez badago erakunde kopuru nahikorik hori eman edo hartaz hornitzeko. 10 ETEen kasuan, gainera, eratze eskritura aurkeztuko da, dagokion erregistroan behar bezala inskribatua, bai eta enplegatu kopurua egiaztatzen duten agiriak eta fakturazio bolumena, eskabidea aurkeztu aurre-aurreko urtekoak. 11 Erantzukizunpeko aitorpena, xede horretarako beste laguntzarik eskatu ez duelakoa, edo, eskatu baditu, jaso beharreko gutxi gorabeherako laguntza zein entitateri eskatu dion adieraziz.