Vitoria-Gasteiz, Laborategi Hiria udal programa. 2016

1. Enpresa bat izatea, Europako Batzordearen 2003ko maiatzaren 6ko gomendioaren eranskineko 1. artikuluan jasotako definizioaren arabera: “Jarduera ekonomiko bat egiten duen entitate oro enpresatzat joko da, era juridikoa gorabehera. Zehazki, artisautza jarduera edo bestelako jarduerak izaera indibidualarekin edo familiarrarekin egiten dituzten entitateak, pertsonen sozietateak eta jarduera ekonomiko bat modu erregularrean egiten duten elkarteak enpresatzat joko dira.” 2. Jarduera legezko, bidezko eta etikoa garatzea. 3. Garapen teknologiko propioa edukitzea, eta horrek ingurune erreal batean nolako jokaera duen probatu nahi izatea proba-proiektu baten bidez. 4. Laborategi Hiriaren barruan probatu nahi diren zerbitzuak edo produktuak interes publiko edo sozialekoak gertatzea, eta ingurumenean inolako eraginik ez izatea edo, hobe, ingurumena hobetzen laguntzea. 5. Delitu hauetakoren batengatik epai irmoz kondenatu ez izana: zilegi ez den elkartea, ustelkeria nazioarteko transakzio ekonomikoetan, eragimen-trafikoa, funtzionario-eroskeria, legearen aurkako iruzurrak eta ordainarazpenak, Ogasun Publikoaren nahiz Gizarte Segurantzaren aurkako delituak, langileen eskubideen aurkako delituak, bidegabeko eralgitzea eta errezibitzea zein antzeko jokabideak, edo ingurumenaren babesarekin zerikusia duten delituak; edo lanbidean, ogibidean, industrian edo merkataritzan aritzeko desgaikuntza bereziaz zigortu ez izana. 6. Zigor irmoa jaso ez izana arau-hauste hauengatik: arau-haustea larria egiteagatik merkatuko diziplina-arloan, arlo profesionalean, edo desgaitasunen bat duten personen laneratze eta aukera berdintasunaren eta diskriminaziorik ezaren arloan; edo gizarte arloan arau-hauste oso larria egiteagatik –lan-arriskuak prebenitzeko arloko arau-hausteak barne–, Lan-arloko Arauhauste eta Zehapenei buruzko Legearen testu bateginean xedatutakoaren arabera (abuztuaren 4ko 5/2000 Legegintzako Errege Dekretuaren bidez onartu zen), baita aipatutako testuko 22. 2 artikuluan aurreikusitako arau-hauste larriagatik ere; edo ingurumen-arloko arau-hauste oso larriagatik, honako arau hauetan xedatutakoaren arabera: Proiektuek Ingurumenean duten Eraginaren Ebaluazioari buruzko Legearen testu bategina (urtarrilaren 11ko 1/2008 Legegintzako Errege Dekretua), Kostaldeei buruzko Legea (uztailaren 28ko 22/1988 Legea), Espazio Naturalak eta Basaflora eta Basafauna Kontserbatzeari buruzko Legea (martxoaren 27ko 4/1989 Legea), Ontziei eta Ontzien Hondakinei buruzko Legea (apirilaren 24ko 11/1997 Legea), Hondakinei buruzko Legea (apirilaren 21eko 10/1998 Legea), Uraren Legearen testu bategina (uztailaren 20ko 1/2001 Legegintzako Errege Dekretua) eta Kutsaduraren Prebentzio eta Kontrol Integratuari buruzko Legea (uztailaren 1eko 16/2002 Legea). 7. Indarrean dauden xedapenek ezarritako zerga-betebeharrak edo Gizarte Segurantzarekiko betebeharrak egunean izatea, erregelamenduz zehaztutako moduan.