Segurtasun Sailak egoitza elektronikoa gaitu du dronen hegaldiak Ertzaintzari jakinarazteko
2019.eko uztailak 26
Eragiketa baino hamar egun lehenago egin behar da gutxienez
Segurtasun Sailak Eusko Jaurlaritzaren egoitza elektronikoaren esku jarri ditu urruneko kontrolaren bidez gidatutako aireontzien (RPA) eragiketak, hiri, herri edo biztanle guneetako eraikin multzoen gainetik edo aire zabalean elkartutako pertsona taldeen gainetik ibiltzen direnean, Ertzaintzari jakinarazteko bete behar diren agiriak.
2018ko azaroaren 22an argitaratu zen Euskal Herriko Agintaritzaren Aldizkarian Segurtasuneko sailburuaren agindua, zeinaren bidez iragartzen baita nola jakinarazi behar zaizkion Ertzaintzari urruneko kontrolaren bidez gidatutako aireontzien (RPA) eragiketak, hiri, herri edo biztanle guneetako eraikin multzoen gainetik edo aire zabalean elkartutako pertsona taldeen gainetik ibiltzen direnean.
Aurretiazko jakinarazpen hori egin behar da eragiketa baino hamar egun lehenago gutxienez, eragiketa egingo den lurraldean segurtasun publikoaren gaineko eskumena duten agintariek hura debekatzeko edo mugatzeko beharra baloratu ahal izan dezaten, pertsonei edo ondasunei kalte egiteko arrisku larria sor litekeela iritziz gero.
Segurtasun Sailak orain beste urrats bat eman du, hemendik aurrera izapide hori bide elektronikoetatik egin ahal izango denez, aginduan ezartzen baita jakinarazpen hori aurrez aurre aurkeztu ahal izango dela Ertzaintzaren zentroetan eta ertzain-etxeetan, edo bestela Egoitza Elektronikoaren helbide elektronikoaren bitartez: https://www.euskadi.eus/sede-electronica.
Gaur egun Segurtasun Sailaren 77 prozedura egin daitezke Egoitza Elektronikoan;
“Era horretara, eskaintzen dituen zerbitzuen kalitatea hobetzen du Segurtasun Sailak Egoitza Elektronikora sarbidea emanda, herritarrentzako informaziora eta izapideetara iristeko gune segurua baita, informazioa eta gunearen bidez balia daitezkeen zerbitzuak osoak eta egiazkoak direla eta eguneratuta daudela bermatzen duena”, adierazi du Segurtasuna Koordinatzeko zuzendari Rodrigo Gartziak.
