Hastear dira Ondarroako portua dragatzeko lanak
2019.eko otsailak 12
Bihar hasiko dira Ondarroako portua dragatzeko lanak, gutxieneko sakonerari eusteko eta bere operatibitatea bermatzeko. Dragatze-lan horiek kirol-dartsenaren aldean, kirol-erabilerako itsasadarrean eta ibai-ahoko kanalean egingo dira, eta maiatzaren 31rako amaituta izatea aurreikusten da.
Dragatuko den esparru osoa portu-eremuan dagoen arren, lohiak isurtzeko puntua itsas zabalean dago. 34.417 m3-ko lohien dragatzea “Cabo do Mundo” gangil koilara bidez burutuko da.
Kalitate oneko materiala hondarra da, eta nagusiki hondartzan botatzea gomendatzen da. Hondar garbiaren dragatua, 15.000 m3-koa, “Beatriz Maria” draga bidez sukzionatuko da, eta ondoren, Saturrarango urpeko hondartzan isuriko da.
Zonaren arabera, dragadurako beharrezko kotak honakoak dira:
- Bokana: -5,5 metroko kota
- Amaierako kanala: -2,0 metroko kota
- Artibai ibaiaren kanala: -1,5 metroko kota
- Kirol Portua: -1,5 metroko kota
Lana Drasemar SL enpresak egingo du, eta adjudikazio-aurrekontua 439.826 eurokoa da (BEZ sartu gabe). Ingurumenaren arloko baldintzak betetzen direla ziurtatzeko, AZTI zentro teknologikoak egingo du lanen jarraipena.
