Asua ibaian Zangroizko bigarren zubi berria baten habeak jarri dira

Argitalpen-data: 

Sangronizeko zubi berria

URAk Asua ibaian bigarren zubi berri baten habeak jarri ditu gaur, Sondikako Industrias Alba-tik eta Sangroizko zubira arteko tartean, ura husteko ahalmena hobetzeko lanen barne; hartara, Asua ibaiaren ur-goraldi naturalek inguruko industria eta etxebizitzetan sor litzaketen erasanak murrizteko.

Halaber, ibai tarte horren ahalmen hidraulikoa hobetzeaz gain, aurreko ubideratzearen paretak jaustearen arriskua ekiditeko balio dute lanek: izan ere, egoera eskasean, ahulezia estrukturalak jota zen. Pareta horiek bertan behera jauzi izan balira, ibaian gora, aldameneko tarteetan, erasan nabarmenak sortu izango ziren.

Zubi berri hau orain eraikitzen da, behin, aurrena ekainean, lehenengo egin eta gero: lanok abian ziren bitartean, eremura heldu ahal izatea bermatzeko.

Aurreko zubia bezalaxe, zubi berria ubideratze berriaren 15 metroko zabalerara egokitu da —Asua ibaiaren Industrias Alba eta Sangroiz artean oso eraldatutako tarte batean—. Hortaz, aurreko bi zubiek zuten ahalmen hidraulikoa baino ahalmen handiagokoak, biak ala biak; ur goraldien ur-mailak arras erraz baitzuten zubiaren taularekin tupust egitea.

Jada eraikita dagoen ubideratze berriak aurreko ubideratzea ordezkatzen du, bere garaian ahalmen hidrauliko ez nahikoarekin eraikitakoa. Ubideratze hori bukatuta dago jada. Lanok ez dute ibilguaren ibai-oherik ukitu; aldiz, ertzetan lurra eta porlana erauziz handitu da ahalmen hidraulikoa.

Hori egiteko, aurrena ezker ertzeko ubideratze berriaren pareta eraiki zen (aurrekoaren pareta zegoen puntutik metro batzuk ertzerantz barrurago), eta gero, pareta berria eta ibilguaren artean geratu zen lur andana erauzi zen.

Azpiegitura horretan ezinbestekoa izan da lehenestea ahalmen hidraulikoa handitzea: bai ibaian gora ur-laminaren balizko igoerak saihesteko; baita uholde-arriskuguneetan diren industria-jarduerak edota aldameneko etxebizitzen segurtasuna handitze aldera ere.