Erantzunik ez duten galdera hauek agerian nahi ditu eman Euskal kultur erakundeak ekoiztu eta Oskal Alegriak asmatu erakusketa honek. Horretarako, bidaia bat egin dugu Ipar Euskal Herrian gaindi, Biarritzetik Altzürüküra, Senperetik Ortzaitzera, Bero Etchea, Ixilixila, Ttattola, Oren Urdinak, Singalantenea…izena duten etxeak bisitatuz.
Bidaia honek, gure artean hain aberatsa den onomastika, etxeen izenak aztertzen dituen zientzian barnera eramango gaitu.
Iraganetik, euskal kulturan, etxeek eta etxeen izenek mapa zaharrenak ahoz egiteko balio izan dute, oraindik paperezko kartografiarik ez zegoenean ere. Lanbideak (Arotzena), izengoitiak (Apalena), toponimiak (Arrotz bidea) etxe bati izena jartzeko beti balio izan duten adibideetako batzuk, gaur egun, hobeto edo okerrago, abstraktuagoa den toponimia batekin ordezkatzen ari dira: desioak (Gure Nahia), ametsak (Ametchetan), haizea (Haizatua), izarrak (Goizeko Izarra).
"Hitz-Enea" 2013ko agorrilean estreinatua izan zen Biarritzeko mediatekan, arrakasta handiz.
Erakusketaren inguruko animazioak
- Hitz-Enea erakusketaren bisita komentatua Euskal kultur erakundeko Pantxoa Etchegoin zuzendaria eta bertsulari batekin
- Hitz-Enea erakusketaren bisita
- Gure etxea, maisons pop-up
- Claude Labat-en mintzaldia
- Emmanuel Iñarraren mintzaldia
Xehetasunak
- Bisita orduak : asteartetik larunbatera : 10:00-12:00 & 14:00-17:30
- Asporotsttipi : 05 59 74 16 18
- www.hitz-enea.com
