Lehendakariak ?iraunkortasuna eta akordio integratzaileak? aldarrikatzen ditu, Turtziozko Adierazpenaren 80. Urteurrenean

Eusko Jaurlaritzak, Iñigo Urkullu Lehendakaria buru dela, gaur, Turtziozko Adierazpenaren 80. urteurrena ospatu du; Turtziozko Adierazpena, Jose Antonio Agirre Lehendakaria atzerrira irten baino pixka bat lehenago, Eusko Jaurlaritzaren azken bilerako buru bertan izan ondoren irakurri zuen dokumentua da. Hori dela eta, Bizkaiko udalerri honetan, gaur, omenaldiaz gainera, Gobernu Kontseiluaren aparteko bilera egin da; bertan, adierazpena sinatu da.

Bilera egin ondoren, Lehendakariak garai hartako lehen Eusko Jaurlaritzaren balioak eta ilusioa partekatu nahi izan ditu, eta euskal herriak aurreikusten duen etorkizunera begira jarraitzen dutela esan du. Urkulluk, erronka gisa, bakean, bizikidetzan eta autogobernuan aurrera egitea nabarmendu ditu eta, horietarako, “iraunkortasuna eta akordioa” behar direla esan du. “80 urteotako ondare eta ikuspegiarekin, gure esperantza akordio integratzaileetan oinarritu behar dugu", esan du. Bestela, “blokeoa eta frustrazioa baino ez ditugu izango”, esan du.

Lehendakariak defenditu duen Euskadik “arima eta balioak ditu, soziala da eta pertsonen duintasunean zentratzen da”, “elkarrizketara zabalik dago, akordioak eta hitzarmenak egiteko gai da”, neurria ematen du, gure aurrekariei dagokienez, eta belaunaldi gazteenei etorkizun hobea emateko gai da. Halaber gogorarazi du nahiz eta indarkeriaren mehatxurik gabe egon eta, beraz, egoera bestelakoa izan, oraindik badaudela bizikidetza arloan arazoak eta gauzak konpontzeko; izan ere, “zauri pertsonal eta kolektibo asko osatu behar dira”. Horrenbestez, biktimen memoria aldarrikatu du eta, aldi berean, “bizikidetza berria ezartzeko beharra adierazi du, indarkeriaren sua eta gure lurraren beldurra betiko amatatzeko”.

Omenaldi- eta eskaintza-ekitaldia

Omenaldia egiteko La Puente Jauregia aukeratu da, Turtziozen; bertan adostu zen 1937ko ekainaren 30eko adierazpena eta Agirre Lehendakariaren garaiko Jaurlaritzaren azken egoitza izan zen. Eusko Jaurlaritzako kideez gainera, Udalbatza ere izan da bertan, Bizkaiko Batzar Nagusietako presidentea, Ana Otadui, Ibone Bengoetxea Bizkaiko Herri Administrazioko eta Erakunde Harremanetako foru-diputatua eta garai hartako lau lekuko izan dira; lekuko horiei aurretik aurkeztutako Turtziozko Adierazpenaren oroimenezko edizio bat entregatu zaie.

Ekitaldia amaitzeko, Lehendakariak eta José Manuel Coterón Turtziozko alkateak oroimenezko horma-irudi bat desestali dute, alkate soinua jotzen ari ziren bitartean; ondoren, lore-eskaintza egin da, Agirre Lehendakariaren bustoaren aurrean, udaletxeko plazan.

Lehendakariak eta Eusko Jaurlaritzako sailburuek Itxaropena iñoiz ez da galtzen erakusketa ere bisitatu dute, Enkarterrietako Museoan; erakusketa urtebete baino gehiagoko ikerketaren ondoren sortu zen eta, bertan, Gerra Zibilak Enkarterrietara ekarri zuenaren lehen ikuspegi globala aurkeztu nahi izan da.