Kulturaren Euskal Kontseiluak osoko batzordea egin du Bilbon
- DataOtsailak 3
- Gaia Ikusizko arteak, Arte eszenikoak, Musika, Ikus-entzunezkoa, Literatura, Artxibategiak eta Liburutegiak, Museoak, Ondarea, Artisautza, Bestelakoak
Kultura Auzolanean Planaren baitan 2014-15 epean burututako proiektuen jarraipena egin du Kontseiluak, eta 2016rako proposamenak aztertu
Cristina Uriarte Hezkuntza, Hizkuntza Politika eta Kultura sailburua buru zela, Kulturaren Euskal Kontseiluak Osoko Batzordea burutu du gaur arratsaldez Bilbon, Euskadiko Artxibo Historikoaren egoitzan. Kultura Auzolanean Plana izan da aztergai nagusia bilkuran, bai 2014-2015 epean planaren baitan garatutako proiektuak, bai 2016rako proposatzen direnak.
Batzordean, 2014-2015 eperako Kultura Auzolanean Planaren baitan jasotako kultur proiektu nagusien jarraipena egin dute, eta hauen betetze maila ezagutu. Proiektu hauen inguruan osaturiko txostenak aurkeztu dira, hainbat alorretako proiektuak: arte eszenikoak, ikus-entzunezko nahiz argitalpen sektoreetakoak, euskal arte garaikideari dagozkionak, finantziazio eta fiskalitatearen arlokoak, edo kultura-ohiturak sustatzeari buruzkoak.
Era berean, osoko batzordean 2016an Kultura Auzolanean Planean jorratuko diren gaiak ere aztertu dira. Kulturaren Euskal Kontseiluak ezarririk ditu gai hauek definitzeko eta gai horiek lehentasuna emateko irizpideak. 2016an zeharkako gaiak izan beharko dute, Administrazio guztiekiko komunak, urtean zehar egikaritzeko bideragarriak, eta prozesuen garapenean eta erakundeen arteko koordinazioaren hobekuntzan egin dezatela ahalegina, produktuak sortzen baino gehiago. Horrela bada, Kultura Auzolanean Planak aurten honako proiektu hauetan egingo du lan: kulturan emakumeen presentzia eta parte hartzearekin zerikusia duten proiektuetan, ondare ez-materialaren ingurukoetan, sorkuntza eta bitartekotzarako guneei buruzko proiektuetan, edo euskal kultur bibliografiaren ingurukoetan.
Batzordea amaitu aurretik, UPV/EHUk Ramon Zalloren zuzendaritzapean kulturaren egoeraz eta balio-katearen inguruan egin duen txostenaren aurrerapena aurkeztu da gaur arratsaldez (“Balio-katearen analisia eta kultura politikarako proposamenak, EAE 2015”).
Kulturaren Euskal Kontseiluaz
Kulturaren Euskal Kontseilua, kulturaren eremuan partaidetza, lankidetza eta aholkularitzarako organoa da, eta bere egiteko nagusia du Kultura Auzolanean plana egokitu, garatu eta ebaluatzea. Kontseiluaren Osoko Batzordea 58 kidek osatzen dute, erakundeen ordezkaritzan batzuk (Eusko Legebiltzarra, Eusko Jaurlaritzako sailak, Foru Aldundiak, Udalak, EUDEL eta EiTB), eta kultur arloko sektore edo erakundeen ordezkaritzan beste batzuk.
Eusko Legebiltzarraren proposamenaz izendatutako kideak:
Miren Azkarate Villar
Irune Zuluaga Zamalloa
Gotzon Barandiaran Arteaga
Mikel Toral López
Xabier Olabarrieta Arnaiz
Hezkuntza, Hizkuntza Politika eta Kultura Sailetik
Cristina Uriarte Toledo sailburua
Joxean Muñoz Otaegi Kultura, Gazteria eta Kirol sailburuordea
Patxi Baztarrika Galparsoro Hizkuntza Politikarako sailburuordea
Imanol Agote Alberro Kultura Ondarearen zuzendaria
Clara Montero Tellechea Kultura Sustatzeko zuzendaria
Eusko Jaurlaritzako beste sail batzuetatik
Itziar Agirre Berriotxoa Ogasun eta Finantza Saila
Juan Maria Zubeldia Arrieta Herri Administrazio eta Justizia Saila
Asier Vallejo Lehendakaritza
Aitor Urzelai Ekonomiaren Garapena eta Lehiakortasuna
Jesus Fernandez Ibañez Hezkuntza, Hizkuntza Politika eta Kultura Saila
Kulturaren eremuko sektore eta erakundeen ordezkaritzan
Ikusizko arteak:
Itziar Okariz Ijurko
Ismael Manterola Ispizua
Beatriz Herraez Dieguez
Ikus-entzunezkoak:
Xabier Berzosa Cuende
Maialen Beloki Berasategui
Patxo Telleria De la Fuente
Antzerkia:
Ana Pimienta Hernandez
Ana López Asensio
Dantza:
Oier Araolaza Arrieta
Olatz de Andrés Zubillaga
Fernando Sáenz de Ugarte Balza
Musika:
Iñigo Argómaniz Bengoechea
Jon Bagües Erriondo
Iñaki Salvador Noneto
Liburua:
Jose Maria Barandiaran Galdos
Jose Austin Iturri Plaza
Iban Zaldua Gonzalez
Ondarea:
Anabella Barroso Arahuetes
Ander de la Fuente Arana
Asier Madarieta Juaristi
Goyo Layana Martinez
Zeharkakoak:
Aitziber Atorrasagasti Calcedo
Patxi Azpillaga Goenaga
Cristina Ortega Nuere
Lorea Agirre Dorronsoro
Iker Arroniz Nazabal
Michel Gaztanbide Muñoz
Iban Arantzabal Arrieta
Frank Suarez Istebot
Inguma Martínez
Foru Aldundiak
Igone Martinez de Luna, Araba
Joseba Koldo Pz de Heredia Araba
Lorea Bilbao Ibarra Bizkaia
Gonzalo Olabarria Villota Bizkaia
Denis Itxaso Gonzalez Gipuzkoa
M Jose Telleria Etxeberria Gipuzkoa
Udalak
Enrique Ruiz de Gordoa Gasteiz
Iñaki Prusilla Muñoz Gasteiz
Nekane Alonso Santamaría Bilbo
Iñaki Lpz de Aguileta Díaz Bilbo
Miren Azkarate Villar Donostia
EUDEL
Imanol Landa Jauregi
Koldo Iturbe Mendilibar
EITB
Maite Iturbe Mendialdua