Euskadiko Lanbide Heziketa SIMO Educacion azokan

2018.eko azaroak 13

  • Antolakundeak gonbidatuta, Euskadiko Lanbide Heziketak bere ikaskuntza-metodologia berrien ezaugarri batzuen berri emango du
  • Stand baten bidez Euskadiko zentroetan ezartzen ari den ikasgela-mota berregingo da
  • Azoka IFEMAn izango da, Madrilgo Azokan, azaroaren 13an, 14an eta 15ean

 

SIMO Educación- Salón de tecnología para la enseñanza azokan, aurten, Euskadiko Lanbide Heziketa izango da. Gaurtik datorren ostegunera arte, azokako antolakundeak gonbidatuta, euskal LHk bertaratzen direnei Lanbide heziketako berrikuntzarekin zerikusia duten gaien berri emango die. Jorge Arévalo Lanbide Heziketako sailburuordea azokan izango da, hilaren 14an, asteazkenean, goizean.

 

Eusko Jaurlaritzak jarriko duen standean, Euskadiko Lanbide Heziketak gaur egun Euskadiko LHko ikastetxeetan ezartzen ari diren eta ikaskuntza-metodologia aktibo berrien oinarri diren ikasgelak berregingo ditu. Zehazki, berregitean ereduaren aldaketa izango duten 6 espazioetako 5 egongo dira ikusgai, eta honako arlo hauetakoak izango dira: informatiboa, analitikoa, sortzailea, eraikitzailea eta ludikoa (ereduak tailerrei zuzendutako seigarren espazioa ere jaso du).

 

Gainera, azokan, LHko Sailburuordetzaren mendeko TKNIKA-Ikerketa eta Berrikuntza Aplikatuko Zentroko arduradunek zenbait hitzaldi emango dituzte, 30 minutukoak bakoitza, eta zenbait gai aztertuko dituzte:

  • Berrikuntza aplikatua LHren eremuan
  • Etengabeko hobekuntza
  • Metodoen ikerketa eta ikaskuntza-prozesuak
  • Ekintzailetza eta aldaketaren kudeaketa
  • Ikasgeletako espazioen diseinua eta egokitzapena hezkuntza-eredu berrietan
  • Erronketan oinarritzen den elkarlaneko ikaskuntza
  • Bilakaerara bideratutako gaitasunen araberako ebaluazioa

Argibide gehiagorako:

https://www.tknika.eus/eu/cont/eventos/fpeuskadi-eta-tknika-simo-educacion-en-ikaskuntzarako-teknologia-aretoan/