2017ko Euskal Autonomia Erkidegoko Aurrekontu Orokorrak

Xehetasunak

Metadatuak: RDF

Deskribapena

Euskal Autonomia Erkidegoaren Aurrekontu Orokorrek gastuen goi-muga, urteko diru-sarreren balioespena, berme-prestazioen goi-muga eta dagokien zorpetzea ezartzen dituzte. Aurrekontu Orokorrak Eusko Legebiltzarrak emandako lege baten bidez onartzen dira. Euskal Autonomia Erkidegoko sektore publikoa osatzen duten erakundeetako bakoitzari dagozkion aurrekontuek osatzen dituzte Euskal Autonomia Erkidegoko Aurrekontu Orokorrak:

  • Autonomia-erkidegoko Administrazioren aurrekontua.
  • Organismo autonomoen aurrekontuak.
  • Zuzenbide pribatuko ente publikoen aurrekontuak.
  • Sozietate publikoen aurrekontuak.
  • Autonomia-erkidegoko sektore publikoko fundazioen aurrekontuak.
  • Autonomia-erkidegoko sektore publikoko partzuergoen aurrekontuak.

Administrazio Orokorraren, erakunde autonomoen eta sektore publikoko partzuergoen aurrekontuetan gastuen eta sarreren egoerak jasotzen dira, eta irizpide hirukoitz honen arabera sailkatzen dira:

  • Irizpide funtzionala, programekin batera, zeina gastuen xedea zehazteko baita.
  • Irizpide organikoa, zeina dirua zein erakundek gastatuko duen adierazteko baita.
  • Irizpide ekonomikoa, zeina dirua zertan gastatuko den zehazteko baita (G/S).

Zuzenbide pribatuko erakunde publikoen, sozietate publikoen eta sektore publikoko fundazioen mota guztietako jarduerak Ustiapen eta Kapital Aurrekontuetan jasotzen dira. Aurrekontuak geroko konpromisoen egoerarekin osatzen dira.

Bestalde, memoria bat ere aurkezten da, eta informazio gehigarri gisa aurreikusitako urteko kontuak: aurrekontu-ekitaldiaren amaierako balantzea, galdu-irabazien Kontua eta Efektibo Fluxuen Egoera-Orria.

Emaiguzu zure iritzia

Komenta ezazu datu bilduma hau.Zure iritziak hobetzen laguntzen digu.