Jardueren egitarauaren aurkezpenerako Barakaldoko Ilner eraikina aukeratu da, Bizkaiko industria ondarearen elementu esanguratsua eta iraganeko industria aberastasunaren sortzailea. 

Europak 'Cultural Heritage: Where the past meets the future' leloa aukeratu du kanpainaren barruan antolatuko diren ekintzak babesteko. Bizkaiko Foru Aldundiak berriz, ‘Itzaleko ondarea: miradas al patrimonio oculto’ leloa erabiliko du Bizkaiko kultura ondarearen ezkutuko alderdiak berraurkitzeko gonbidapena luzatuz eta ondarearen bitartez iragana eta etorkizuna lotzeko xedearekin.

Ekintza guztien artean Ziortzako monasterioko gelak bisitatuko dira, La Naval fabrika, Munoa jauregiko barnealdea eta baita elizetako erretabloak zaharberritzaileen azalpenekin.