Kultura eta Hizkuntza Politika Saila

Letrak eta Futbola 2017

Bilbao Azaroaren 20(e)tik Azaroaren 28(e)ra
  • Letrak eta Futbola 2017

Azaroaren 20an, 21ean, 27an eta 28an egingo dira Bilbon, Bizkaiko Foru Liburutegiko Areto Nagusian, Letrak eta Futbola literatura eta futbol topaketak. Aurten hainbat egile izango ditugu gure artean, hala nola, Jonathan Wilson, Michael Calvin, Sid Lowe, Miqui Otero, Laura Fernández, Jon Maia, Juan Luis Zabala, Gari, Miguel Angel Ortiz eta Belén Gopegui. Futbolaren eta letren arteko harremanaz eta gizarte garaikideaz arituko dira, ikuspuntu eta planteamendu desberdinetatik abiatuta.

Bestalde, 2017ko Letrak eta Futbola ekimenak Athletic Irakurketa Kluba izango du, hau da, irakurketa sustatze aldera Fundazioak duela hiru urte abiatu eta urtero martxan jartzen duen kanpaina. Horri esker, edozein pertsonak dauka aukera Athleticeko jokalariei liburuak gomendatzeko, Letrak eta Futbola webgunearen bidez. Jasotako iradokizunen artean, jokalari bakoitzak liburu bat aukeratuko du eta hautaketa hori oinarri hartuta, Fundazioak irakurketa kluba antolatuko du. Aurten lehenengoz, Athletic Irakurketa Kluba denboraldi osoan zehar egongo da martxan, jokalariak banan-banan iragarriko baitira datozen hilabeteetan. Lehena Mikel Rico da, eta dagoeneko irakurtzeko iradokizunak egin ahal zaizkio webgune honetan: letrasyfutbol.com

Azkenik, Letrak eta Futbola ekimenaren harira, "Replay" ipuina argitaratuko da. David Safierrek idatzi zuen parada horretarako San Mameseko zelai erdian, eta 20.000 ale banatuko dira Bilbon azaroaren 13tik aurrera, liburutegi, liburu-denda eta bestelako guneetan.

Athletic Club Fundazioak eta Bizkaiko Foru Liburutegiak antolatu dute Letrak eta Futbola ekimena, eta Bizkaiko Foru Aldundiaren eta Euskaltelen babes nagusia dauka, baita Hotel Meliá, BCD Travel eta Hezkuntza, Kultura eta Kirol Ministerioko Irakurketa eta Liburuaren Behatokiaren babesa ere. Athletic Club Fundazioak eskerrak eman nahi dizkie babesleei haien laguntza itzelagatik.

EGITARAUA

  • AZAROAK 20, ASTELEHENA: ¿PUEDE EL FÚTBOL EXPLICAR EL MUNDO?

19:00. BILBOKO FORU LIBURUTEGIKO ARETO NAGUSIA

JONATHAN WILSON, MICHAEL CALVIN, SID LOWE

(IKUSI GEHIAGO)

  • AZAROAK 21, ASTEARTEA: FÚTBOL, CULTURA Y ALREDEDORES

19:00. BILBOKO FORU LIBURUTEGIKO ARETO NAGUSIA

MIQUI OTERO, LAURA FERNÁNDEZ, PAULA CORROTO

(IKUSI GEHIAGO)

  • AZAROAK 27, ASTELEHENA: FUTBOLA ETA EUSKAL KULTURA

19:00. BILBOKO FORU LIBURUTEGIKO ARETO NAGUSIA

JON MAIA, GARI, JUAN LUIS ZABALA, IRATXE FRESNEDA

(IKUSI GEHIAGO)

  • AZAROAK 28, ASTEARTEA: FÚTBOL, LITERATURA Y SOCIEDAD

19:00. BILBOKO FORU LIBURUTEGIKO ARETO NAGUSIA

MIGUEL ÁNGEL ORTÍZ, BELÉN GOPEGUI, LEIRE PALACIOS

(IKUSI GEHIAGO)


Laburrean

Non