Fruta-eta barazki-ekoizleen antolakundeei laguntzak 2019

A) Entitatearen datu orokorrak:

1. EE/EEE zenbakia (EE= ekoizleen erakundea; EEE = ekoizleen erakundeen elkartea)
2. IFZ.
3. Sozietatearen izena.
4. Helbidea.
5. Harremanetarako pertsona:
6. Harremanetarako pertsonaren telefonoa:
7. Programako zein urte finantzatu behar den:
8. Zein programa eragiletakoa den: 20...(e)tik 20...(e)ra
9. Zein ekoizle-erakundeen elkartekoa den.

B) Bidali beharreko agiriak:

1. Ekoizleen erakundeko edo ekoizleen erakundeen elkarteko idazkariaren ziurtagiria non jasotzen den urteko funts eragilearen eraketa, hura zuzkitzeko xedapenak eta finantza-ekarpenak kalkulatzeko metodoa onartu direla, entitatearen batzar nagusian, edo, entitatea atalka antolaturik baldin badago, dena delako ataleko batzar nagusian edo, izaera juridikoaren arabera, dena delako organo baliokidean, eta kide-ekoizle guztiek aukera izan dutela funts eragilearen gainean eskatzen den aldaketarekin lotutako neurri, ekintza eta jardueren onuraz gozatzeko, eta funts eragile horren eta finantza-ekarpenen erabilerarekin lotutako erabakietan demokratikoki parte hartzeko. Ziurtagiri horretan, bestalde, honako hau jasoko da:
1. Funts eragilea kudeatzeko modua; 533/2017 Errege Dekretuan daude jasota funtsa kudeatzeko modu horiek.
2. Datorren urtarrilaren 1etik aurrera hasten den urterokoan eratuko den funtsaren zenbatekoa; bestalde, programa eragilearen neurri, ekintza, jarduera, inbertsio eta gastu-kontzeptu bakoitzera bideratzea aurreikusten den zenbatekoak adieraziko dira.
3. Finantza-ekarpen bakoitzaren kalkulu-metodoa eta maila xehatua, bai finantza-aurrekonturako bai egikaritze-aurrekonturako; hala badagokio, ekarpen-maila ezberdinak justifikatzeko beharrezkoa den informazioa eman beharko da.
4. Funts eragilea finantzatzeko prozedura.
2. Programaren neurri bakoitzaren barruan hurrengo urterokoan gauzatu beharreko ekintza, jarduera, inbertsio eta gastu-kontzeptuak jasotzen dituen dokumentua, eta horietako bakoitzerako, gutxienez:
1. Deskribapen xehatua, hura gauzatzeko aurreikusten den zenbatekoa barne.
2. Nekazaritza-lursailaren kokapen zehatza, identifikazio geografikoa SIGPAC sistema bidez adierazita.
3. Titulartasuna, izena, nazionalitatea, izen soziala, IFZ edo, hala badagokio, AIZ, eta ekoizle-erakundearekiko harremana.
4. Gauzatzeko behar diren langileak eta baliabideak.
5. Diru Laguntzei buruzko 38/2003 Legearen 31. artikuluko 3. atalak ezarritakoa betez, inbertsioaren edo gastu-kontzeptuaren zenbatekoak urriaren 30eko Sektore Publikoaren Kontratuen 30/2007 Legeak kontratu txikirako ezarritako zenbatekoak gainditzen baditu, hornitzaile ezberdinen eskutik egindako hiru eskaintza
6. Hura gauzatzea zergatik den beharrezkoa arrazoitzea.
7. Egikaritzeko eta finantzatzeko egutegia.
8. Finantzatzeko modua.

   Informazio hori programaren lehen urterokoan III. eranskinean sartu beharko da.

3. Europar Batasunak funts eragileari emango dion finantza-laguntza kalkulatzeko oinarritzat hartzen den merkaturatutako ekoizpenaren balioari buruzko ziurtagiria, eta hala badagokio, filialaren edo EEEaren ziurtagiria, 2017ko martxoaren 13ko Batzordearen 2017/891 (EB) Erregelamenduko 22. artikuluan eta 533/2017 Errege Dekretuaren I. eranskinean ezarritakoaren arabera kalkulatua. Bi kasuetan, honako hau zehaztu beharko da:
1. Erreferentziazko aldia.
2. Ekoizleen erakundeak edo ekoizleen erakundeen elkarteko organo eskudunak hura kalkulatzeko oinarritzat hartutako kontabilitatea onartu zueneko data eta foroa.
3. 533/2017 Errege Dekretuaren I. eranskineko 1. apartatuan zerrendatutako kontzeptuen zenbateko bakoitza.
4. 533/2017 Errege Dekretuaren I. eranskineko 4. apartatuan zerrendatutako kontzeptuen zenbateko bakoitza.
5. Hala badagokio, 533/2017 Errege Dekretuaren I. eranskineko 3. atalari jarraikiz egindako kalkuluak jasotzen dituen dokumentua gehitu behar da, eta kontuan izan behar da, hala badagokio, eranskin horren 2. apartatuko azken paragrafoan ezarritako aurkezpen-epea.

   Entitatearen kontabilitatea ez badu dagokion organo eskudunak onartu, ziurtagiri honek hori jakinarazi egin behar du, eta ekoizleen erakundeak erabilitako kontabilitate-datuak 533/2017 Errege Dekretuaren 5. artikuluko b apartatuan jasotako ezaugarriak betetzen dituen kanpo auditorearen datuetan oinarrituko dira.

4. Erakundearen erantzukizunetik eta kontroletik kanpo dauden arrazoiengatik produktu baten balioa murriztu egin bada, gertaera hori justifikatzen duen dokumentazioa, eta gertaera horren arrazoia ekoizpen-osagaien jaitsiera ez dela izan egiaztatzen duten agiriak aurkeztuko dira.
5. Hala badagokio, 533/2017 Errege Dekretuaren I. eranskineko 5. apartatuan deskribatutako dokumentazioa eta informazioa.
6. Akzio, jarduera, inbertsio eta gastu-kontzeptuen titularren konpromisoa, zuzenean edo zeharka horiek egiteko beste laguntzarik ez dutela jaso eta ez dutela jasoko ziurtatuz.
7. 2017ko martxoaren 13ko 2017/891 (EB) Erregelamendu Eskuordetuak, Batzordearen 2017ko martxoaren 13ko 2017/892 (EB) Erregelamendu Betearazleak, 533/2017 Errege Dekretuaren xedapenek edo ingurumen-ekintzei buruzko baldintza-agiriak egiteko gidalerro nazionalek ekintza, jarduera, inbertsio eta gastu-kontzeptu bakoitzeko eskatutako berariazko dokumentazioa.