• Goi-mailako unibertsitate-titulazioa duten Euskadiko gazteak.

• Onuradun izateko baldintzak Informazio xehatua

  • Administrazio-egoitza Euskal Autonomia Erkidegoan izatea, eskaerak egiteko epea irekitzen den unea baino gutxienez 12 hilabete lehenagotik. Hala eta guztiz ere, Erkidegotik kanpo ikasketak egin izanagatik antzinatasun-baldintza hori behin-behinekoz betetzen ez duten eskatzaileak onartuko dira.

  • Goi-mailako graduko unibertsitate-titulazioa izatea deialdi bakoitzaren hautaketa-prozesua amaitu baino lehen; hau da, Nazioartekotze arloan eskumena duen Zuzendaritzako titularrak lehen faseko onuradunen eta ordezkoen ebazpena eman baino lehen. Atzerriko unibertsitateetan edo pribatuetan lortutako unibertsitate-tituluak onartuko dira, betiere administrazio eskudunak homologatutakoak badira. Gradu hauek lehenetsiko dira eta balioztatuko dira bereziki: Ekonomia, Enpresen Zuzendaritza eta Administrazioa, Zuzenbide Ekonomikoa eta Ingeniaritzako edozein.

  • Eskabidea aurkezteko epea irekitzen den urteko urtarrilaren 1ean 30 urte bete gabe izatea.

  • B2 mailako ingeles-maila izatea, dagokion hitzezko eta idatzizko probekin egiaztatu beharko dena.

  • Bekaren epealdian normaltasunez jardutea galarazten duen edo eguneroko bizitzaren jarduerak mugatzen dituen mugapen fisiko edo psikikorik ez izatea, beka onartzen den unean.

  • Antzeko prestakuntza-helburuak dituen eta unibertsitate-tituludunei zuzendua dagoen beste beka bat jaso ez izana, atzerriko nazioarteko enpresa edo erakundeetan 6 hilabete edo gehiagoko egonaldia ahalbidetu badu. Zehazki, bateraezina da beka horien onuradun izatea lehenago hauetako bat jaso bada: Global Training bekak, ICEXen edo beste administrazio autonomiko batzuen bekak, Merkataritza Ganberen bekak, EBko Merkataritza sustatzeko Erakundeen bekak edo antzeko beste erakundeen bekak.

Aurrekontua: 

1. Lehen faseak 135.000 euroko aurrekontua izango du gehienez 2017ko ekitaldian.

2. A eta B modalitateetarako hiru milioi hirurehun eta berrogeita zazpi mila zazpiehun eta hamasei euro (3.347.716 euro) zuzenduko dira guztira, honela banaturik:
• 2017ko ekitaldia: 1.422.716 euro.
• 2018ko ekitaldia: 1.250.000 euro.
• 2019ko ekitaldia: 675.000 euro

• Gora jotzeko errekurtsoa

  Gora jotzeko errekurtsoa administrazio-errekurtsoa da. Honen bidez, administrazio-organo bati eskatzen zaio hierarkikoki haren mende dagoen beste organo batek emandako egintza berrikusteko eta zuzentzeko.

  Zer egintzaren aurka jartzen da?

  • Administrazio-bideari bukaera ematen ez dioten egintzen aurka.
  • Zuzenean edo zeharka auziaren muina erabakitzen duten edo prozedurak aurrera egitea eragozten duten izapidezko egintzen aurka.

  Zer organori jartzen zaio?

  • Errekurritutako egintza ematen duen organoari edo haren goragokoari.

  Zer epe daukazu errekurtsoa jartzeko?

  • Hilabete, egintza espresu bat errekurritzen baduzu.
  • 3 hilabete, presuntziozko egintza bat errekurritzen baduzu.

  Zer epe dauka Administrazioak ebazteko?

  • 3 hilabete.

  Epe horretan Administrazioak ez badizu ebazpena jakinarazten:

  • Errekurtsoa baietsitzat joko da, baldin eta presuntziozko egintza errekurritu baduzu.
  • Errekurtsoa ezetsitzat joko da, baldin eta egintza espresu bat errekurritu baduzu.

   Zer errekurtso jar dezakezu gero?

  • Administrazioarekiko auzi-errekurtsoa, bide judizialetik.
  • Berrikusteko errekurtso berezia, salbuespenez.

  Informazio gehiago: Urriaren 1eko 39/2015 Legea, Administrazio Publikoen Administrazio Prozedura Erkidearena (V. titulua, Egintzak administrazio-bidetik berrikustea).

  Aurkeztu beharreko dokumentuak

  Kanal elektronikoa