Auzolandegiak 2013
Aukeratutako kartela: Auzolandegiak, magiaz beteak. Egilea: Lorena Zabala Telleria
Lehiaketara aurkeztutako lan guztiak (ikusi argazki bilduma)
Euskadiko Gazteak Lankidetzan
Aukeratutako kartela. Leloa: 3,2,1...Ekin! Egilea: Clara Díez Ibarbia
Lehiaketara aurkeztutako lan guztiak (ikusi argazki bilduma)
Lehiaketaren deialdia: Auzolandegietako eta Euskadiko Gazteak Lankidetzan programetako kartel bila gabiltza!
2013koAuzolandegietako kartelak eta Euskadiko Gazteak Lankidetzan programako kartelak zure irudia izan dezake. Aurten bi programa hauen irudia zuk egitea nahi dugu.
Kartel ideiaren bat baduzu, teknika ezberdinez baliatu zaitezke; argazkiak, marrazkiak, colageak etb. Era beran, lelo bat ere bidali beharko duzu kartelerako. Ideia bat egin dezazun joan den urteko kartel irabazleek honako leloak izan zituzten:
- Auzolandegiak: “Uda honetan irten zure zulotik/ Este verano sal de tu madriguera”,
- Euskadiko gazteak lankidetzan: “Zabal itzazu begiak/ Abre los ojos”.
Epaimahaikideek lanen originaltasuna eta programekin duten lotura kontutan hartuko dute.
Lanak aurkezteko epea: 2013ko otsailaren 7tik martxoaren 8ra bitartean.
Zer bidali:
- Irudia: Kartelaren irudia JPG formatuan, 72 p.p.p.-ko bereizmenarekin eta 70 X 50 zm-ko neurrian aurkeztu beharko da.
- Leloa: Lelo bat proposatu behar duzu. Leloa ez duzu irudian txertatu behar, izen emate orrian idatzi baizik. Euskaraz zein gazteleraz proposatu dezakezu leloa.
- Leloa zein bestelako logoak ez dira irudian agertu behar. Irabazle suertazten diren kartelen maketazioa geuk egingo dugu lelo eta logoekin.
- Izen emate orria (doc, 207,5 kb): Honako dokumentua bidali behar duzu zure datuekin beteta
Sariak:
- Auzolandegiak programako kartel garailearen egileak joan-etorriko hegazkin bidaia bat irabaziko du *Hego Amerikako herrialde batera.
- Euskadiko Gazteak Lankidetzan programako kartel garailearen egileak, joan-etorriko hegazkin bidaia bat irabaziko du Hego Amerikako *herrialde batera.
*Bi irabazleek bidaia aukeratzeko beta izango ditu, aurten Lankidetza programa bat egingo den Hego Amerikako herrien artean. Ez dute lankidetza programan parte hartuko. Norberak bere kaxa egiteko bidaia izango da.
Joan den urteko herriak honako hauek izan ziren: Argentina, Bolivia, Kolonbia, Ekuador, El Salvador, Guatemala, Haiti, Honduras, Mexiko, Paraguay, Peru, Venezuela.
Noiz erabili saria:
Bidaia txartela 2013ko azaroaren 30era arte erabiltzeko izango da, joan etorriko egunak irabazleek hautatu ahal izango dituztelarik.
Baldintzak:
- 18-30 urte bitartekoa izatea (1983 eta 1995 bitartean jaioak, biak barne).
- Euskadin erroldatuta egotea.
- Egile bakoitzak gehienez 4 lan aurkeztu ditzake. Bi lan Euskadiko Gazteak Lankidetzan programaren kartelerako eta beste bi Auzolandegienerako.
- Lehiaketan sarituak diren bi lanak, 2013ko Euskadiko Gazteak Lankidetzan eta Auzolandegiak programak iragartzeko erabiliko dira, euskarri ezberdinetan; interneterako euskarrietan zein paperean.
- Lanak originalak izango dira.
- Epaimahaikideek saria hutsik utzi dezakete lanek behar besteko kalitaterik ez badute.
- Lehiaketa honetan parte hartzen dutenek, testuak, argazkiak eta bideoak publikatzeko baldintza hauek onartzen dituzte.
Lanak nora bidali:
Kartelen irudiak eta izen emate orria honako posta elektronikoetara bidali behar dira:
- Auzolandegiak programako kartela: gazteria-auzolandegiak@ej-gv.es
- Euskadiko Gazteak lankidetzan programako kartela: gazteria-lankidetza@ej-gv.es
Dudak argitzeko: Lehiaketaren inguruko argibideren bat eskuratzeko bidali posta elekroniko bat gazteaukera@gmail.com helbidera.