Eusko Jaurlaritzak 2,3 milioi euro inbertituko ditu hiru erakunde mailetako langile publikoen prestakuntzan eta euskalduntzean
2018.eko apirilak 05
- Onetsi eta argitaratu egin da 2018rako IVAPen Diru-laguntzen Plan Estrategikoa; eremu juridikoan eta zuzenbidearen eremuan ikerketa sustatzeko laguntzak ere aurreikusten ditu
- Plana herritar ororentzat dago eskuragarri, Euskadi.eus web-orrialdean, Gobernuak ahalik eta gardentasun handienarekin jarduteko duen konpromisoaren zati gisa
IVAP Herri Arduralaritzaren Euskal Erakundeak 2018rako IVAPen Diru-laguntzen Plan Estrategikoa onetsi du. Dokumentuak IVAPek datozen hileotan deituko dituen diru-laguntza eta sarien deialdi guztiak jaso ditu, eta helburu du onura publikoko edo interes sozialeko jarduerak sustatzea, laguntzak emanez.
Planak 5 laguntza-ildo eta sari bat aurreikusten ditu. IVAPek, horretarako, 2.471.900 euro bideratuko ditu, aurreko urtean baino 75.500 euro gehiago, eta honela banatuko ditu:
Administrazio publikoetako langileen prestakuntza eta euskalduntzea:
- Euskadiko Autonomia Erkidegoko administrazio publikoetan lanean ari diren pertsonen prestakuntza finantzatzeko laguntzak: 2.200.000€
- Udal eta mankomunitateetan euskara-ikastaroetan langileak ordezkatzeko diru-laguntzak: 155.000€
- LHIEE-Lurralde eta Hiri Ikasketetarako Euskal Eskolak antolatutako hirigintzari buruzko ikastarorako laguntzak: 35.900€ (matrikula ordaintzeko laguntzak dira, eta erakunde publikoetan eta/edo enpresetan praktikak egiteko laguntzak)
Euskadiko eremu juridikoan eta berezian ikerketa sustatzea:
- Administrazio publikoarekin, zuzenbide publikoarekin edo administrazioaren zientziarekin lotutako gaiei buruzko ikerketa sustatzeko laguntzak: 40.000€
- Azterlan juridikoak sustatzea eta zuzenbidean euskararen erabilera normalizatzea: 11.000€
- “Jesús María Leizaola” saria, euskal autonomiarekin zerikusia daukaten edo hura aztertzeko eta sakontzeko helburuak dituzten ikerlanetarako: 30.000€
DIRU LAGUNTZEN ILDOAK ETA SARIAK
Urtearen arabera
DIRU LAGUNTZEN ILDOAK ETA SARIAK |
2017 |
2018 |
DESBERDINTASUNA |
Langile publikoen prestakuntza |
2.157.500€ |
2.200.000€ |
+42.500€ |
Hizkuntza-prestakuntzako ikastaroetan dauden langileen ordezkapena |
155.000€ |
155.000€ |
- |
Administrazio publikoarekin, zuzenbide publikoarekin edo administrazioaren zientziarekin lotutako gaiei buruzko ikerketa |
24.000€ |
40.000€ |
+16.000€ |
Azterlan juridikoak eta zuzenbidean euskararen erabileraren normalizazioa |
11.000€ |
11.000€ |
- |
LHIEEren hirigintzari buruzko ikastaro (matrikularen ordainketa/ ikasleen praktikak) |
34.900€ |
35.900€ |
+1.000€ |
“Jesús María Leizaola” saria |
14.000€ |
30.000€ |
+16.000€ |
GUZTIRA
|
2.396.400€ |
2.471.900€ |
+75.500€ |
2018rako Diru-laguntzen Plan Estrategikoa IVAPen “2017-2020 Plan Estrategikoa”ren barruan dago, eta diru-laguntzari atxikitako jarduketak egin ahal izateko beharrezko finantzaketa gisa ordainketa aurreratuak egiteko aukera aurreikusten du.