Arautegia
InprimatuAgindua, 2019ko ekainaren 7koa, Enpleguko eta Gizarte Politiketako sailburuarena, Enpleguko eta Gizarte Politiketako Sailaren 2019. urterako dirulaguntzen plan estrategikoa onartzen duen agindua aldatzen duena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Enplegua eta Gizarte Politikak
- Jadanekotasuna-egoera: Indarrean
Aldizkari ofiziala
- Aldizkari ofiziala: ---
- Aldizkari-zk.: ---
- Hurrenkera-zk.: ---
- Xedapen-zk.: ---
- Xedapen-data: ---
- Argitaratze-data: ---
Gaikako eremua
- Gaia: Administrazioaren antolamendua
- Azpigaia: Instituzional
Testu legala
AGINDUA, 2019KO EKAINAREN 7KOA, ENPLEGUKO ETA GIZARTE POLITIKETAKO SAILBURUARENA, ENPLEGUKO ETA GIZARTE POLITIKETAKO SAILAREN 2019. URTERAKO DIRU-LAGUNTZEN PLAN ESTRATEGIKOA ONARTZEN DUEN AGINDUA ALDATZEN DUENA.
Diru-laguntzei buruzko azaroaren 17ko 38/2003 Lege Orokorraren 8.1. artikuluak ezarritakoaren arabera, “diru-laguntzen ezarpena proposatzen duten administrazio publikoetako organoek, aldez aurretik, diru-laguntzen plan estrategiko batean zehaztu beharko dituzte berau aplikatzean lortu nahi diren helburuak eta ondorioak, baita horiek lortzeko epea, aurreikusten diren kostuak eta haiek finantzatzeko iturriak ere, betiere aurrekontu-egonkortasunaren helburuak betetzearen baldintzapean”. Arau horrek Estatuaren oinarrizko legearen izaera du.
Aipatutakoa betez, 2019ko martxoaren 5ean, Enpleguko eta Gizarte Politiketako Sailaren 2019. urterako Diru-laguntzen Plan Estrategikoa onartzen zuen Agindua eman zuen Enpleguko eta Gizarte Politiketako sailburuak. Agindu horrek indarrik gabe utzi zuen 2018ko azaroaren 16ko Agindua.
Gizarte Zerbitzuen Zuzendaritzak “Lagunkoitasun Jardunbide Egokien Saria” ematea proposatzen zuen, lehia-konkurrentziako prozedura baterako dei eginez. Horren bidez, publikoki
aintzatetsi nahi dira zahartzen ari diren pertsonentzat erraztaileak diren inguruneak sortzerakoan lagunkoitasun-terminoetan beren berrikuntza eta efikaziagatik nabarmentzen diren praktikak garatzen dituzten entitate publiko eta pribatuak.
Ekimen hori ez dago sail honen 2019. urterako Diru-laguntzen Plan Estrategikoan; hori dela-eta, plan hori aldatu behar da, indarrean dagoen legeria betetzeko.
Goian adierazitakoa kontuan hartuta, eta Lehendakariaren azaroaren 26ko 24/2016 Dekretuak (Euskal Autonomia Erkidegoaren Administrazioko sailak sortu, ezabatu eta aldatzen dituenak eta horien egitekoak eta jardun-arloak finkatzen dituenak) emandako eskumenen arabera, apirilaren 11ko 75/2017 Dekretuarekin lotuta (Enpleguko eta Gizarte Politiketako Sailaren
egitura organikoa eta funtzionala ezartzen duena), honako hau
EBAZTEN DUT
Lehenengoa.- Enpleguko eta Gizarte Politiketako Sailaren 2019. urterako Diru-laguntzen Plan Estrategikoa aldatzea, eta, horrenbestez, “Lagunkoitasun Jardunbide Egokien Sariari” dagokion 2019. urterako Gizarte Zerbitzuen Zuzendaritzaren diru-laguntzen lerroa gehitzea, agindu honen 2., 3. eta 4. eranskinetan deskribatzen den moduan.
Bigarrena.- Agindua argitara ematea, Enpleguko eta Gizarte Politiketako Sailaren webgunean argitaratuz eta unean-unean antolamendu juridikoan informazioaren eta gardentasunaren arloan aurreikusten diren xedapenak aplikatuz.
Vitoria-Gasteiz, 2019ko ekainaren 7 a
Enpleguko eta Gizarte Politiketako sailburua
BEATRIZ ARTOLAZABAL ALBENIZ.
ERANSKINA
ENPLEGUKO ETA GIZARTE POLITIKETAKO SAILAREN 2019. URTERAKO DIRU-LAGUNTZEN PLAN ESTRATEGIKOA ONARTZEN DUEN AGINDUA ALDATZEN DUENA. (Ikus pdfa (PDF, 353 KB))
